Što viadoma pra «Pijaniera», jaki budzie kiravać PVK «Vahnier» u Biełarusi
Padčas pramovy na adkryćci łahiera PVK «Vahnier» pad Asipovičami Jaŭhien Pryhožyn zhadaŭ najmita Siarhieja «Pijaniera» i skazaŭ, što hetaha bajevika pryznačyli hałoŭnym na biełaruskim kirunku. Raspaviadajem, što pra jaho viadoma.
Heta niepubličny kamandzir PVK «Vahnier», dakładnyja źviestki pra asobu jakoha nie raskryvali raniej.
Upieršyniu pra jaho zhadvajuć u 2020 hodzie. U śniežni 2020-ha były najmit «Vahniera» Marat Habidulin daŭ intervju rasijskamu vydańniu «Mieduza». Tam jon kazaŭ pra Pijaniera:
«A ŭ 2018-m i 2019-m ja ŭžo pierastaŭ znachodzić tłumačeńni, čamu ludziej stavili na čale taho ci inšaha atrada. Kamandziry pryznačalisia jak byccam pa niejkim błacie. Naprykład, ja ździviŭsia, kali staršym padčas bajavoj apieracyi ŭ Hucie staŭ Pijanier, jaki da taho pracavaŭ tolki ŭ štabie. U ciabie ž dośviedu niama bajavoha — jak ty kamanduješ?
Paźniej, u 2019 hodzie, pastupiŭ zahad chucieńka adpravić siryjcaŭ z našaha atrada «Palaŭničyja na IDIŁ» u Liviju. Kali jany tudy prybyli, pastupiŭ zvanok ad Pijaniera: «Słuchaj, a voś tych, kaho vy dasłali, ich možna jak śmiarotnikaŭ vykarystoŭvać?» Jaki narmalny čałaviek takoje spytaje! Tym bolš pra maich chłopcaŭ».
Praz hod ukrainski partał «Matrica svobody» nazyvaŭ jaho kiraŭnikom «Vahniera» ŭ Livii. Śćviardžałasia, što Pijanier pastajanna znachodzicca na bazie El-Džufra i ciesna kantaktuje z zasnavalnikam «Vahniera» Dźmitryjem Utkinym, viadomym pa mianuškach Vahnier i Dziaviaty.
Apošni raz Pijanier daŭ kamientar u červieni heta hoda. Tam jaho nazyvajuć «kamandziram PVK «Vahnier», udzielnikam bajavych dziejańniaŭ u Siryi, Centralnaj Afrycy, Sudanie, Mali i inšych krainach». Tam ža śćviardžajecca, što jon kavaler piaci ordenaŭ Mužnaści. Jon sam kaža:
«Adnojčy prysiahnuŭšy svajmu narodu i Ajčynie, ja da hetaha času hatovy abaraniać sa zbrojaj u rukach Rasiju jak ad źniešnich vorahaŭ, tak i ŭnutranych, jakija svajo asabistaje staviać vyšej za kaštoŭnaści hramadzian krainy i dziaržavy ŭ cełym».
Takim čynam, chutčej za ŭsio, jon rasijanin abo, prynamsi, maje hramadzianstva hetaj krainy.
«Naša Niva» — bastyjon biełaruščyny
PADTRYMAĆ
Kamientary
Jak tolki pasprabavali " pabykavać" suprać uzbrojennych sił Turcyi ci Štatau..byli źniščieny .Bolej " čyrvonyje linii" ni ni..
Pad Bachmutam?? Taksama .
.Uzbrojennyje " pijaniery" suprać mirnaha nasielnictva " žachliva" ALE...
Za pavodziny Pryhožyna panazirajcie .Spačatku priedupriedzitielnyj chałdziej ..zaraz " zaburieł" ale chałdziejem zastausia..
Pamiatajecie uładalnika kabaka kala Kurapat ))
Toj ža psichacip..Vierieŝał pausiul " prykryli" na try dni i dzie Auuuu ni - pryhožyn
Znajet, čto jeśli nie opłatit - prišlut čiernuju mietku!...
Tošno! Kivajet na zapad, hdie priezidienty smieniajemyje, hdie zapuskajut rakiety k Marsu i Łunie, hdie postroili rieaktor na tiermojadie...
Jemu by prodieržaťsia jeŝio i ukrasť očieriednyje milliardy u niŝich hraždan...