«Hałoŭny pakazčyk — talerki byli pustyja». Šef-kuchar samitu NATA raskazaŭ, jak sutki nie spaŭ, hatujučy dla vysokich haściej
Śviatočnuju viačeru dla hanarovych haściej samitu NATA ŭ Vilni hatavaŭ viadomy litoŭski šef-kuchar Vitaŭtas Samavičus. Jon uładalnik čatyroch restaranaŭ u Vilni, Koŭnie i Kłajpiedzie, piša Delfi.lt.
«Možna skazać, heta była samaja adkaznaja i važnaja viačera ŭ majoj karjery, na joj prysutničali lidary roznych krain śvietu. (…) U hetym vypadku my nie mahli dapuścić pamyłak i pavinny byli ŭličvać usie niuansy», — skazaŭ Samavičus.
Ź mierkavańniaŭ biaśpieki nie paviedamlałasia mieniu śviatočnaj viačery.
«Ja chacieŭ raskryć asablivaści rehijonaŭ Litvy — Aŭkštoty, Žamojci, Dzukii. My padbirali siezonnyja pradukty. Kančatkovy vynik spadabaŭsia i mnie samomu, i pradstaŭnikam prezidenckaj słužby. U mieniu byli rybnyja stravy, miasnyja. Składanych straŭ nie było», — zaŭvažyŭ Vitaŭtas, skazaŭšy, što było čatyry źmieny straŭ.
«Mieniu było raspracavana ŭ 17-ci varyjantach z ulikam patreb kankretnych haściej. Naprykład, adny nie pjuć ałkahol, dla ich padrychtavali inšyja napoi. I ŭ płanie napojaŭ byli litoŭskija akcenty. Chtości nie pieranosić hlutenu, u kahości alerhija na arechi. Było niamała ludziej, jakija nie jaduć małočnych praduktaŭ», — padzialiŭsia Samavičus, raspavioŭšy, što ŭ jaho kamandzie pracavała 12 čałaviek na kuchni i 24 — u zale.
Na viačery prysutničała kala 60 haściej.
«Viačera doŭžyłasia 2,5—3 hadziny, ja nie spaŭ sutki. Pačaŭ pracu a 5-j ranicy i a 5-j ranicy skončyŭ, kali ŭsie pryviali ŭ paradak, vymyli, vyvieźli», — raspavioŭ šef-kuchar.
«Ale jość adzin momant, jaki śviedčyć pra toje, što viačera spadabałasia, — talerki byli praktyčna pustymi. Heta hałoŭny pakazčyk», — padzialiŭsia Samavičus.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary