Supracoŭniki Kamiteta dziaržkantrolu pravieryli bolš za sto sielhasarhanizacyj Biełarusi, i akazałasia, što ŭ kožnaj druhoj haspadarcy častka kambajnaŭ nie hatovaja da vychadu ŭ pole.
U chodzie praviedzienaha na minułym tydni manitorynhu ŭ kožnaj druhoj sa 101 pravieranych haspadarak vyjaŭleny fakty niedastatkovaj hatoŭnaści kambajnaŭ, u 19-ci nie byli hatovyja zierniesušylnyja kompleksy, u asobnych sielhasarhanizacyjach nie hatovyja składskija pamiaškańni.
«Naprykład, u haspadarcy «Lepiašynski» (Homielskaja vobłaść) pałova kambajnaŭ nie hatovaja vyjści ŭ pole, technika nie ačyščanaja ad letašniaj travy, niama zapasu paliva. A hałoŭnaje — nie da kanca vyrašana pytańnie z najaŭnaściu śpiecyjalistaŭ», — adznačyli ŭ siužecie tvr.by.
Taksama ŭ niekatorych haspadarkach adznačyli straty zbožža zvyš normy za kambajnami.
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia65
Kamientary