U Łahojsku adbyŭsia pažar u kvatery, u jakoj znachodziŭsia 13-hadovy chłopčyk. Jon patelefanavaŭ ratavalnikam i raskazaŭ, što ŭ susiednim pakoi haryć pijanina, jak paviedamiła pres-słužba MNS.
Pavodle infarmacyi ratavalnikaŭ, padletak znachodziŭsia doma adzin, jahonaja mama sa starejšymi dziećmi adyšła pa spravach.
«Chłopčyk hulaŭ u telefonie i ŭ niejki momant zaŭvažyŭ dym z-pad dźviarej inšaha žyłoha pakoja. Adčyniŭšy dźviery, jon ubačyŭ, što niešta haryć na pijanina. Začyniŭšy dźviery, vyklikaŭ ratavalnikaŭ i vyjšaŭ na bałkon», — raskazali ŭ MNS.
Prybyŭšy na miesca, ratavalniki dapamahli chłopčyku vyjści na vulicu.
Paźniej stała viadoma, što napiaredadni mama chłopčyka zapaliła śviečku, pamaliłasia i pakinuła jaje niezatušanaj. U vyniku pažaru paškodžanaja majomaść, zakuranyja ściana i stol u dziciačym pakoi.
Kamientary
chłopčyk darečy zrabiŭ usio pravilna
nu jamu peŭna i ratavalniki padkazali
a chutčej za ŭsio - z-za ich i zdaryłasia ŭzharańnie...
,,vierujučaja,, ekzaltavanaja mama zapaliła śviečku la ikon i pajšła...