Na čas samitu NATA ŭ Vilni schavajuć staryja tralejbusy, adzin ź simvałaŭ horada
U stalicy Litvy rychtujucca da samitu NATA. Na vulicach, dzie buduć jechać delehacyi, ramantujuć prajeznuju častku i tratuary. A ŭsio toje, što nie paśpiejuć pryvieści ŭ paradak, schavajuć. U tym liku i staryja vilenskija tralejbusy.
«My acanili situacyju na darohach padčas samitu 11-12 lipienia. Pad tyja abmiežavańni, jakich čakajuć, vierahodna, chopić novych tralejbusaŭ, jakija jość. Kali ich nie chopić, vyjeduć i staryja», — pryvodzić cytatu pradstaŭnikoŭ ZAT «Vilenski hramadski transpart» vydańnie Madeinvilnius.lt.
U kampanii adznačajuć, što ciapier dziejničaje novy raskład ruchu hramadskaha transpartu. Jak zvyčajna, uletku skaračajecca kolkaść maršrutaŭ, tamu kampanija pasprabuje vypuścić na vulicy tolki novyja tralejbusy, kab palepšyć kamfort pasažyraŭ.
Staryja tralejbusy Škoda — heta adzin ź simvałaŭ stalicy Litvy, jakomu bolš za 30 hadoŭ. Ich ekspłuatujecca kala 160 adzinak, zamianić ich płanujuć da 2026 hoda.
Na čas samitu NATA 10-13 lipienia hramadski transpart u Vilni budzie biaspłatnym.
Kamientary