Sport1919

Sabalenka: Ja nie źbirajusia bolš havaryć pra palityku

Biełaruska Aryna Sabalenka na pres-kanfierencyi, jakaja papiaredničała pačatku Uimbłdanskaha turniru, zajaviła, što zaraz budzie razmaŭlać tolki pra tenis.

Aryna Sabalenka. Fota: Getty Images

Druhaja rakietka śvietu i čempijonka Adkrytaha čempijanatu Aŭstralii bajkatavała dźvie pres-kanfierencyi na niadaŭnim Adkrytym čempijanacie Francyi («Rałan Haros») paśla taho, jak sutyknułasia sa škvałam pytańniaŭ nakont vajny i jaje suviaziaŭ z Alaksandram Łukašenkam.

«Pierš čym my praciahniem, ja chacieła b skazać, što nie źbirajusia kazać pra palityku», — zajaviła 25-hadovaja spartoŭka na tradycyjnym bryfinhu dla miedyja pierad startam Uimbłdana.

«Ja tut tolki dla razmovy pra tenis. Kali łaska, pavažajcie heta».

«Kali ŭ vas jość jakija-niebudź palityčnyja pytańni, vy možacie zadać ich WTA abo [pradstaŭnikam] turniru. Jany mohuć dasłać vam rasšyfroŭku maich adkazaŭ z papiarednich turniraŭ», — skazała tenisistka.

Aryna dadała, što heta jaje asabistaje rašeńnie.

Nahadajem, što 6 červienia paśla čverćfinału «Rałan Haros» Sabalenka čarhovy raz spytali nakont staŭleńnia da vajny i piersanalna da Alaksandra Łukašenki. I atrymali niečakany adkaz.

— Vy kažacie, što nie padtrymlivajecie vajnu. Ale vy pa-raniejšamu padtrymlivajecie Alaksandra Łukašenku? — spytali tady Sabalenka.

— Nu, heta składanaje pytańnie. Ja nie padtrymlivaju vajnu, to-bok nie padtrymlivaju Łukašenku prama ciapier, — adkazała tady Sabalenka, jakaja pierad hetym admaŭlałasia kamientavać padtrymku biełaruskaha dyktatara i vajnu va Ukrainie, u vyniku čaho jaje pres-kanfierencyi prachodzili navat u paŭsakretnym režymie ci naohuł nie adbyvalisia.

Uimbłdanski turnir (Adkryty čempijanat Anhlii pa tenisie) startuje ŭ paniadziełak. Aryna Sabalenka, jak i pieršaja rakietka śvietu Iha Śviontak, razhladajucca hałoŭnymi pretendentkami na tytuł.

U pieršym raŭndzie biełaruska ŭ aŭtorak zhulaje ź vienhierkaj Panaj Udvardzi (85-ja rakietka śvietu).

U minułym hodzie biełaruskija i rasijskija tenisisty nie byli dapuščanyja da Uimbłdana, jaki vyjhrała pradstaŭnica Kazachstana Alena Rybakina.

U 2021-m Aryna dajšła da paŭfinału Uimbłdana. U 2020 hodzie turnir byŭ admienieny z-za kavidu, a ŭ 2019-m spartsmienka vybyła ŭ pieršym kruzie.

Kamientary19

  • Anž
    02.07.2023
    Dy adčapiciemia vy ad jaje, jana choča žyć u Biełarusi, što jana musić skazać? Kali cichanoŭskaja admaŭlałasia razmaŭlać pra krym heta była nprmalna, a tut užo chvalu padniali
  • Žvir
    02.07.2023
    Tvajo prava nie adkazvać na pytańni pra palityku (durnoje rašeńnie), ale prava žurnalistych davać tabie takija pytańni, i jany buduć heta rabić, i rabić z zadavalnieńniem. Bałansavać nie atrymajecca, nia toj ciapier čas, albo-albo. Bo akrom tenisa, ty ž jašče j hramadzianka, i prosta asoba, i z hetaha boku na ciabie taksama chočuć, i buduć, hladzieć...
  • Jahor
    02.07.2023
    Tak! Vychodzić jana nie žyvy čałaviek, a prosta bijałahičnaja istota, jakaja łoŭka adbivaje miačyk. Zadavać joj pytańni, što da jaje hramadzianskaj pazicyi biessensoŭna.

Ciapier čytajuć

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ27

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ

Usie naviny →
Usie naviny

Prync Reza Piechlevi vystupiŭ ź videazvarotam da naroda Irana, zaklikaŭ da paŭstańnia12

Biełarusu, jaki vajuje za Rasiju, dali rasijski pašpart. U Biełarusi jon kasiŭ ad vojska3

U Minsku pačali pradavać maroziva-chaładnik. I jak jano na smak?

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana8

NATA pierastanie dzialicca detalami vajskovaj dapamohi Ukrainie. Zrazumieli, što heta dapamahaje Pucinu3

U Amanskim zalivie zahareŭsia rasijski tankier3

Mierc: Izrail robić hetu brudnuju pracu za nas2

Niamiecki ŭrad štohod płacić 70 tysiač jeŭra za ŭtrymańnie «Ruskaha doma» ŭ Bierlinie2

Jašče adna terytoryja stanie dastupnaj praz šenhienskuju vizu3

bolš čytanych navin
bolš łajkanych navin

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ27

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić