Alaksandr Łukašenka raskazaŭ pra rolu svajho syna Mikałaja ŭ arhanizacyi pieramovaŭ Rasii i Ukrainy. Voś čamu da hetaha treba stavicca surjozna
U intervju Alaksandra Łukašenki Volzie Skabiejevaj prahučała cikavaja historyja pra Kolu Łukašenku. Čamu na jaje varta źviarnuć uvahu, piša Vasil Harbaciuk.
Pavodle słoŭ Łukašenki, niemałuju rolu ŭ arhanizacyi pieramovaŭ pamiž Rasijaj i Ukrainaj u sakaviku 2022 hoda adyhraŭ jaho małodšy syn Mikałaj, jaki «dapamoh arhanizavać telefonnuju razmovu z Uładzimiram Zialenskim». Nibyta paśla doŭhaj hutarki prezident Ukrainy pahadziŭsia pravieści pieramovy z rasijskim bokam na terytoryi Biełarusi.
Łukašenka miž słovaŭ skazaŭ, što Mikałaj ciapier vučycca ŭ Piekinskim univiersitecie, ale da hetaha času padšturchoŭvaje da arhanizacyi pieramoŭ. «Kažu: ja razumieju, ale ty jašče nie ŭsio razumieješ», — adznačyŭ Łukašenka.
Mnohija mohuć pryniać hety pasaž za taki ž kazačny, jak mnohija inšyja ŭ niadaŭnich vykazvańniach Łukašenki. U tym samym intervju Alaksandr Łukašenka kaža, što hranica Biełarusi z Polščaj, Litvoj i Łatvijaj heta 2500 kiłamietraŭ, choć jana składaje 1250 kiłamietraŭ, roŭna ŭdvaja mienš.
U inšym momancie Łukašenka kaža, što nasielnictva Biełarusi składaje 13 miljonaŭ čałaviek, choć jano ŭsiaho tolki 9 miljonaŭ i za čas jahonaha kiravańnia skaraciłasia na 1,2 miljona čałaviek.
U trecim miescy Alaksandr Łukašenka zajaviŭ, što straty ŭkraincaŭ za čas kontrnastupu skłali 120-150 tysiač čałaviek zabitymi i paranienymi, prytym što Minabarony Rasii ŭ toj ža dzień nazvała ličbu 7500, a viedamstva Šajhu schilnaje mocna pierabolšvać — i heta jašče słaba skazana, što mocna, ich łavili na pierabolšvańni ŭ dziasiatki i sotni razoŭ, adna historyja sa źniščanymi «Chajmarsami» čaho vartaja.
Chłusić lohka, kali za abviaržeńnie chłuśni tvaim suhramadzianam pahražajuć turemnyja terminy.
Adnak da zhadak pra Kolu ja b staviŭsia krajnie surjozna. Kali Mikałaj u 18 hadoŭ arhanizavaŭ pieramovy Pucina i Zialenskaha, to ŭjaŭlajecie, na što jon budzie zdolny ŭ 26 ci 31 hod, paśla taho jak atrymaje kitajskuju adukacyju?
Zhadka pra miratvorčuju misiju Mikałaja — heta čarhovy sihnał, što Alaksandr Łukašenka ŭsurjoz maje namier pieradać uładu svajmu małodšamu synu. Ciažka skazać, kali, u 2030 ci 2035 hodzie, ale Mikałaju. Tamu Mikałaj, choć užo daŭno nie dzicia, pa-raniejšamu supravadžaje tatu ŭ vizitach i na samych važnych sustrečach, u tym liku ŭ śviataja śviatych — Kramli. Tamu ŭziałasia i hetaja zhadka.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary