Krynicy ŭ aŭstralijskim uradzie paviedamlajuć ab padtrymcy Vašynhtonam idei pieradačy Ukrainie 41 źniščalnika-bambardziroŭščyka F-18 Hornet. Hety amierykanski samalot — asnoŭny bajavy samalot Vajskova-marskich sił ZŠA.
Jak paviedamlaje Politico, ukrainski bok padymaŭ pytańnie pastavak nazvanych samalotaŭ padčas zakrytych sustreč na samicie pa biaśpiecy ŭ Sinhapury na minułym tydni.
Pra asablivaści hetych samalotaŭ u svaim videastrymie raspavioŭ vajskovy ekśpiert Aleh Ždanaŭ.
F-18 — samalot pakaleńnia 4+, jaki byŭ raspracavany McDonnell Douglas u 1970-ja hady dla vykarystańnia z pałuby avijanosca. Jon ekspłuatujecca z 1983 hoda i vykarystoŭvajecca Korpusam marskoj piachoty ZŠA i inšymi krainami.
Hornet raźvivaje chutkaść kala 2000 km/h, jon uzbrojeny 20-mm harmataj, bombami, rakietami i vysokadakładnym uzbrajeńniem. Heta znajomyja ŭkraincam rakiety AIM-120 AMRAAM (supraćpavietranyja), Harm (supraćradyjołakacyjnyja), Harpoon (supraćkarabielnyja), JDAM (płanavalnyja bomby) i inšyja zachodnija ŭzory.
Samalot udzielničaŭ u apieracyi «Bura ŭ pustyni» ŭ Iraku, vajnie ŭ Afhanistanie, bambardziravańni abjektaŭ režymu Kadafi ŭ Livii.
Jak adznačaje Ždanaŭ, samalot F-18 Hornet stvaraŭsia dla pracy z avijanoscaŭ, dzie sadzicca i ŭźlatać prychodzicca ŭ ciesnaj prastory, tamu ŭ jaho bolš tryvałaje, naprykład, šasi, jakim jon «bjecca» ab pałubu. U paraŭnańni z F-16 u jaho ŭzmocnienaje šasi.
Jak adznačaje ekśpiert, abodva samaloty pa taktyka-techničnych charaktarystykach prykładna adnolkavyja. Niekatoryja vajskovyja śpiecyjalisty, paraŭnoŭvajučy ich, havorać tak: «Kali vy chočacie palichačyć, jak na spartyŭnym aŭtamabili, to tady F-16. Kali ž vy chočacie «pryhoža i z kamfortam», jak na džypie z poŭnym pryvadam, to ŭ hetym vypadku F-18». Takim čynam, pa słovach Ždanava, F-16 rezvy i chutki, a F-18 — upeŭnieny i spakojny.
Samalot F-18 vykonvaje try funkcyi. Jon źniščalnik, bambardziroŭščyk i šturmavik. A toje, što jon pałubny, daje jamu plus u tym, što jon moža ekspłuatavacca z aeradromaŭ navat nie lepšaj jakaści.
Ždanaŭ zaŭvažaje, što F-18 — asnoŭny bajavy samalot Vajskova-marskich sił ZŠA. Roznych jaho madyfikacyj tam naličvajecca zvyš 1000 štuk. Jon taksama vykarystoŭvajecca ŭ šerahu krain, naprykład, Aŭstralii, Ispanii, Kanadzie, Kuviejcie, Małajzii, Šviejcaryi i Finlandyi.
Śpikier Pavietranych sił Ukrainy Juryj Ihnat u sakaviku adznačaŭ, što Ukrainie patrebny sučasnyja samaloty pakaleńnia 4+/4++, da jakich adnosicca F-18, dla pierachopu płaniernych bombaŭ.
19 maja prezident ZŠA Džo Bajden padtrymaŭ mižnarodnuju kaalicyju źniščalnikaŭ dla Ukrainy. Taksama premjer-ministr Vialikabrytanii Ryšy Sunak abviaściŭ, što Vialikabrytanija, ZŠA, Niderłandy, Bielhija i Danija buduć udzielničać u padrychtoŭcy ŭkrainskich piłotaŭ na zachodnich źniščalnikach.
2 červienia kiraŭnik Ofisa prezidenta Andrej Jarmak paviedamiŭ, što da kaalicyi źniščalnikaŭ dla Ukrainy dałučyłasia ŭžo vosiem krain.
5 červienia ministr abarony Ukrainy Alaksiej Reźnikaŭ zajaviŭ, što USU padčas svajho kontrnastupleńnia hetym letam nie buduć vykarystoŭvać źniščalniki F-16.
Čytajcie jašče:
Ukraina atrymaje rakiety AIM-9. Što heta značyć?
Ci čakajuć Ukrainu žachlivaj siły ŭdary z pavietra ŭsioj masaj rasijskaj avijacyi?
Rasijski ekśpiert patłumačyŭ, čamu płaniernyja bomby rasijskaj vytvorčaści ŭpali na Biełharad
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary
Sieńnia, ale raniej była aburalnaja navina (jakaja čakana nabrała padabajek ŭ prahresyviskaj sacyjalistyčnaj emihranckaj aŭdytoryi vašaha vydańnia), jak Eŭraźviazavyja kamisary (sic! prychilnički demakratyi, pryznačanyja Ŭładary Eŭropy) pad vyhladam baraćby z rasiejskaj dezynfarmacyjaj pazbaŭlajuu ludziej dostupu da infarmacyi, cenzurujuć sacsietki, zmušajuć da samacenzury, a nielajalnych pahražajuć i zabaranić, asabliva pa dvaccać piatym žniŭnia.
Čamu tam niemahčyma było pakinuć kamentar pad toj navinoŭ?
Pamylaŭsia, darujcie i ličycie mianie, takim jak i vy, kamunistam