Hramadstva11

U Viciebsku zatrymali Taćcianu Pyćko. Jaje adnahadovuju dačku adpravili ŭ dziciačy špital

Zatrymańnie adbyłosia ŭviečary 6 červienia. Dačku, jakoj dniami spoŭniŭsia hod i adzin miesiac, skiravali na ŭtrymańnie ŭ dziciačy špital — tak robicca ŭ tych vypadkach, kali ŭ dziciaci niama pobač blizkich svajakoŭ ci apiekunoŭ, paviedamlaje BAŽ.

Taćciana Pyćko

U pravaabaroncaŭ jość padstavy mierkavać, što zatrymańnie adbyłosia ŭ miežach kryminalnaj spravy. Ale pakul niemahčyma skazać, ci zatrymanaja Taćciana Pyćko pavodle toj samaj spravy, jakaja tyčycca jaje muža. 

Videapieratara-fryłansiera Viačasłava Łazarava vinavaciać pavodle art. 361-4 Kryminalnaha kodeksa («Spryjańnie ekstremisckaj dziejnaści») za suviaź ź niedziaržaŭnym miedyja, pryznanym u Biełarusi ekstremisckim farmavańniem. Užo 4 miesiacy jaho trymajuć ŭ viciebskim SIZA-2.

Siabry adznačajuć, što jość prablemy ź listavańniem: doŭhi čas ad Viačasłava niama nijakich źviestak. Tamu nieviadoma, na jakim etapie znachodzicca rasśledavańnie jahonaj spravy i ci skora jana trapić u sud. Maci mieła adzinaje spatkańnie ź im — u chutkim časie paśla zatrymańnia. Bolš spatkańniaŭ joj nie dazvalajuć. 

Viačasłaŭ Łazaraŭ nie maje advakata. Ciapier heta zvykłaja situacyja dla ŭsioj Biełarusi: abaroncy aścierahajucca zajmacca spravami «palityčnych», kab nie stracić pracu. 

U rasparadžeńni śledstva znachodzicca arhtechnika Viačasłava Łazarava. U dzień zatrymańnia 9 lutaha pa miescy jaho rehistracyi milicyjanty praviali pieratrus: zabrali mabilnyja telefony, videakamieru i inšuju aparaturu.

Taksama pieratrus siłaviki praviali pa miescy žycharstva jahonaj žonki Taćciany Pyćko, jakaja žyła asobna. Z kvatery Taćciany zabrali noŭtbuk i dva telefony. Jość imaviernaść, što śledčyja znajšli tam niešta takoje, što paličyli padazronym.

U 2018 i ŭ 2019 hodzie Viačasłava Łazarava dvojčy karali štrafami pavodle č. 2 art. 22.9 KaAP za «Niezakonny vyrab pradukcyi miedyja». Padčas žnivieńskich padziej 2020 hoda Łazarava zatrymlivali za fatahrafavańnie «aŭtazakaŭ», ale tady milicyjanty pratrymali jaho niekalki hadzin u IČU i vyzvalili biez składańnia pratakoła. Taćcianu Pyćko taksama pryciahvali da administracyjnaj adkaznaści: u 2020 hodzie jaje aštrafavali za ŭdzieł u «niesankcyjanavanych mierapryjemstvach».

Kamientary1

  • Priezumpcija nievinovnosti
    08.06.2023
    Nastojaŝij HUŁAH, tolko tam mohli razłučiť mať s małoletnim riebionkom i otpraviť jeho v dietdom, a mładienciev v sosiednij barak pod opieku. Vyrodki łukašistskije, po vam jeŝio prozvonit kołokoł

Ciapier čytajuć

Represii zapavolvajucca ci razhaniajucca? Davajcie ličyć

Represii zapavolvajucca ci razhaniajucca? Davajcie ličyć

Usie naviny →
Usie naviny

Kamunist z Homiela zapisaŭsia dobraachvotnikam na vajnu na baku Rasii. I zahinuŭ25

Litva ŭmacavała miažu ź Biełaruśsiu «zubami drakona»

Pry Łatušku kruhłasutačna znachodzicca pryłada, jakaja moža vyličyć jaho miescaznachodžańnie z dakładnaściu da mietra11

Ahurki i kabački ad rubla, abrykosy — 5—25 rubloŭ. Što i kolki kaštuje na Kamaroŭcy ŭ apošnija vychodnyja leta

Łatuška: Staršynia KDB Vakulčyk nakiroŭvaŭ da mianie pradstaŭnika na pieramovy ŭ žniŭni 2020-ha8

Fota mierkavanaha zabojcy Andreja Parubija

Pucin paśla sustrečy z Trampam jedzie ŭ Kitaj śviatkavać pieramohu4

U Andreja Parubija strelili vosiem razoŭ

Łatuška abviarhaje abvinavačańni ŭ charasmencie ad delehatki KR Karpušonak87

bolš čytanych navin
bolš łajkanych navin

Represii zapavolvajucca ci razhaniajucca? Davajcie ličyć

Represii zapavolvajucca ci razhaniajucca? Davajcie ličyć

Hałoŭnaje
Usie naviny →

Zaŭvaha:

 

 

 

 

Zakryć Paviedamić