Da i paśla: jak žyvie sabaka, jaki straciŭ haspadaroŭ z-za abstrełu Lvoŭščyny
U sakaviku sacsietki ablacieła fota sabaki Elzy, jakaja lažała na ruinach doma paśla hibieli haspadaroŭ u vyniku abstrełu Lvoŭščyny. Toj abstreł zabraŭ žyćcio piaci čałaviek.
U Elzy była kantuzija, rana ŭ vobłaści šyi i skivicy, traŭmavanaja łapa i krovaźlićcio ŭ vočy, piša «Ukrainskaja praŭda».
Na ščaście, Elza ačuniała i znajšła novy dom.
«Elza niadaŭna pierajechała ŭ Niamieččynu. Tam jana budzie žyć u novaj siamji z haspadyniaj Volhaj Fiert.
Chaj u ich usio składvajecca! Pažadajem Elzie spakojnaha i ščaślivaha žyćcia! A ŭsie nieludzi, jakija pryčyniajucca da pakut ludziej i žyvioł va Ukrainie, abaviazkova buduć pakaranyja», — kažuć zoaabaroncy.
U vyniku rakietnaha ŭdaru pa Lvoŭščynie 9 sakavika zahinuła piać čałaviek. Sabaku Elzu vyratavali vałanciory razam z susiedskimi aŭčarkami, haspadary jakich taksama zahinuli.
Vałanciorka Julija Radlinskaja, jakaja zajmałasia Elzaj, raspaviała, što achvotnych dapamahčy sabaku było vielmi šmat.
U noč na 29 vieraśnia minułaha hoda rasijanie taksama abstralali žyłyja damy ŭ Dniapry. Na ruinach adnaho z damoŭ znajšli sabaku pa mianušcy Krym, jaki płakaŭ.
Žyviolinu zabrali na reabilitacyju, ale praz paŭtara miesiaca sabaka, jaki mieŭ kantuziju i sardečnuju niedastatkovaść, pamior.
Ciapier čytajuć
Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova7
Kamientary