Navuka i technałohii1313

«Hipierbałoid inžyniera Haryna». Biełaruś i Rasija anansavali, što stvarajuć «vielmi mahutnuju» łaziernuju zbroju suprać bieśpiłotnikaŭ 

Adno ź biełaruskich pradpryjemstvaŭ zapeŭnivaje, što novaja sistema zmoža źniščać bieśpiłotniki na adlehłaści ŭ dziasiatki kiłamietraŭ. 

Pratatyp biełaruskaha łaziernaha modula mahutnaściu 30 kVt i dalokaściu stralby da 1,5 km. Byŭ prademanstravany na vajennaj vystavie MILEX-2023 u Minsku biełaruskim pradpryjemstvam «Navukova-techničny centr «ŁEMT» BiełOMA». Jakraz hetaje pradpryjemstva i raspracoŭvaje z Rasijaj novuju łaziernuju zbroju suprać dronaŭ. Fota: TASS

Biełaruś i Rasija stvarajuć novuju bajavuju łaziernuju ŭstanoŭku, jakaja zmoža źniščać drony na vialikaj adlehłaści. Pra heta paviedamiła 30 maja rasijskaje ahienctva TASS sa spasyłkaj na biełaruskaje pradpryjemstva «Navukova-techničny centr «ŁEMT» BiełOMA».

Jakraz hetaje pradpryjemstva sumiesna ź inšymi dvuma rasijskimi navukova-techničnymi instytutami budzie na praciahu dvuch hadoŭ raspracoŭvać łaziernuju sistemu mahutnaściu 100 kVt i dalokaściu stralby «ŭ niekalki dziasiatkaŭ kiłamietraŭ» dla źniščeńnia bieśpiłotnikaŭ.

Pa słovach pradstaŭnika biełaruskaj kampanii, pratatyp novaj sistemy pakažuć užo sioleta, a sam łazier budzie «vielmi mahutnym».

«Majem sumiesny prajekt ź dźviuma rasijskimi kampanijami pa raspracoŭcy vielmi mahutnaj i daskanałaj łaziernaj sistemy dla baraćby ź bieśpiłotnikami. «Hipierbałoid inžyniera Haryna» čytali (fantastyčny raman Alaksieja Tałstoha. — NN)? Voś novaja ŭstanoŭka taksama budzie paražać łaziernym promieniem bieśpiłotniki na adlehłaści dziasiatkaŭ kiłamietraŭ», — zapeŭnivaje pradstaŭnik «ŁEMT».

Sama kampanija, pa paviedamleńniach TASS, užo pakazvała svoj inšy pratatyp łaziernaj pryłady na vajennaj vystavie MILEX-2023, jakaja prachodziła ŭ Minsku jašče ŭ mai. Tady «ŁEMT» prademanstravaŭ kudy mienšy pa mahutnaści bajavy łazierny modul z dalokaściu stralby da 1,5 km, jaki moža pieranosicca ŭ kantejnierach i ŭstaloŭvacca na transpart. Hetaja sistema nibyta prajšła paśpiachovyja vyprabavańni i spadabałasia adnamu z zakazčykaŭ ź Blizkaha Uschodu.

Na sajcie «ŁEMT» skazana, što kampanija zajmajecca daśledavańniem i vytvorčaściu optyka-elektronnych pryboraŭ «padvojnaha pryznačeńnia» (to-bok dla hramadzianskich i vajennych patreb). U asartymiencie pradpryjemstva fihurujuć niekalki katehoryj tavaraŭ: aptyčnyja pryceły, kampanienty bieśpiłotnikaŭ i sistem SPA, prybory dla achovy dziaržaŭnaj miažy, łaziernyja dalamiery, miedycynskaje abstalavańnie i h. d.

Zusim niadaŭna «ŁEMT» i inšyja biełaruskija pradpryjemstvy trapili va ŭkrainski sankcyjny śpis terminam na 10 hadoŭ za ŭdzieł u rasijskaj vajennaj ahresii suprać Ukrainy. 

Kamientary13

  • Ahratreš
    03.06.2023
    "Štob jany nie rabili ---- u ich atrymlivaŭsia autamat kałašnikava";)))
  • Jany razumiejuć, što takoje łazer?
    03.06.2023
    Chaj zmantujuć svoj "anałochaŭniet" na svaju armatu)))
  • No
    03.06.2023
    Dzie tam abiacanaja łukašenaŭskaja pryščepka ad kavidu?)))

Ciapier čytajuć

«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton33

«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton

Usie naviny →
Usie naviny

U rajonie Kałodziščaŭ siońnia zdarylisia dva mocnyja pažary FOTAFAKT5

U Breście abvaliłasia budynina4

Kadry z pamierłym kiroŭcam fury, jakija publikuje prapahanda, nie źviazanyja z ukrainskaj atakaj dronaŭ5

SBU śćviardžaje, što źniščany abo paškodžany 41 samalot stratehičnaj avijacyi Rasii — padrabiaznaści śpiecapieracyi14

Zialenski paćvierdziŭ udzieł Ukrainy ŭ pieramovach u Stambule1

«Ruski Piorł-Charbar». Z-kanały ŭ šoku ad ukrainskaj ataki na rasijskija aeradromy27

Ukraina masiravana atakavała rasijskija aeradromy i źniščała bambardzirovačnuju avijacyju44

Kaja Kałas: Kitaj zabiaśpiečvaje Rasii 80% tavaraŭ padvojnaha pryznačeńnia i padsiłkoŭvaje vajnu va Ukrainie13

U 42 hady pamior chakieist i trenier Maksim Ciškin3

bolš čytanych navin
bolš łajkanych navin

«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton33

«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton

Hałoŭnaje
Usie naviny →

Zaŭvaha:

 

 

 

 

Zakryć Paviedamić