Na 23-j chvilinie byŭ vydaleny za niespartovyja pavodziny naš hałkipier – i adzin z najlepšych varataroŭ čempijanatu Rasii – Jury Žaŭnoŭ.
Nacyjanalnaja zbornaja Biełarusi pa futbole 14 listapada praviała tavaryski matč sa zbornaj Saudaŭskaj Aravii.
Hulnia prajšła ŭ horadzie Ed-Damam na bierazie Piersidskaj zatoki i skončyłasia ź likam 1:1.
Lik adkryŭ na 20-j chvilinie Maksim Bardačoŭ (BATE). Na 23-j chvilinie byŭ vydaleny za niespartovyja pavodziny naš hałkipier – i adzin z najlepšych varataroŭ čempijanatu Rasii – Jury Žaŭnoŭ. Miač byŭ u hałkipiera, arabski hulec zaminaŭ jamu ŭvieści jaho (miač, nie futbalista) u hulniu. Žaŭnoŭ śpiecyjalna ŭdaryŭ miačom u supiernika, za što i byŭ vydaleny z pola, paviedamlaje sajt football.by.
Jaho miesca ŭ bramie zaniaŭ jaho adnakłubnik pa FK «Maskva» Anton Amielčanka.
Na 31-j chvilinie haspadary zraŭniali lik: vyznačyŭsia Al-Šamrani. U vyniku – 1:1.
U piatnicu ŭ matčy druhich zbornych (h.zv. S.Aravija -2 - Biełaruś-2) biełarusy prajhrali 1:2.
U sieradu, 18 listapada, padapiečnyja Biernda Štanhie zhulajuć u haściach z Čarnahoryjaj.
Matč projdzie ŭ Padhorycy.
***
Taksama tut paviedamim, što minskija dynamaŭcy – tut užo havorka pra chakiej – pierarvali svaju sieryju z čatyroch pieramoh zapar.
Minčuki finskaha raźlivu prajhrali siońnia ŭ Kazani «Ak Barsu» – 1:4. U biełarusaŭ adzinuju šajbu zakinuŭ Uładzimir Dzianisaŭ na 31-j chvilinie pry liku 2:0 na karyść haspadaroŭ.
Praŭda, «Ak Bars», treba ŭličvać, – uładalnik Kubka Haharyna.
Nastupny matč dynamaŭcy praviaduć u paniadziełak u haściach suprać «Naftachimika», u Minsku našyja zhulajuć u nastupny čaćvier z MUS.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary