Biełaruski čynoŭnik abvierh rasijskija strašyłki pra bajavych ukrainskich husiej i kamaroŭ
U Biełarusi znajšoŭsia čynoŭnik, jaki abvierh šyroka raspaŭsiudžanyja strašyłki pra «bajavych ukrainskich husiej i kamaroŭ». Im akazaŭsia načalnik upraŭleńnia dziaržaŭnaj vieterynarnaj inśpiekcyi Departamienta vieterynarnaha i charčovaha nahladu Ministerstva sielskaj haspadarki i charčavańnia Jaŭhien Sadykaŭ.
Padčas žyvoj telefonnaj linii ŭ «Sielskaj haziecie» niejkaja Taćciana z Žabinki Bieraściejskaj vobłaści zadała śpiecyjalistu pytańnie na hety kont, zaŭvažyła «Narodnaja Vola».
«Čuła, što va ŭkrainskich bijałabaratoryjach stvarajuć bajavych husiej i kamaroŭ. U čym ich niebiaśpieka? Jak abaranicca?» — spytała ŭschvalavanaja žančyna.
— Takija naviny padobnyja na fejkavyja, — supakoiŭ žančynu Jaŭhien Sadykaŭ.— Husi, naprykład, sami pa sabie ahresiŭnyja i biez usialakich dresirovak mohuć napadać na čałavieka, abaraniajučy siabie i patomstva. Kamary — pieranosčyki mnostva zachvorvańniaŭ, u tym liku śmiarotna niebiaśpiečnych, ale na terytoryi Respubliki takija chvaroby nie rehistrujucca. Usprymać padobnyja «naviny», na moj pohlad, surjozna nie varta.
Letaś pastajanny rasijski pradstaŭnik Vasil Niabienzia zajaŭlaŭ u AAN, što va Ukrainie, nibyta, vyjaŭlenyja bieśpiłotniki, jakija mohuć «raspaŭsiudžvać kamaroŭ, zaražanych niebiaśpiečnymi virusami». Niabienzia absalutna surjozna pierakonvaŭ členaŭ Rady biaśpieki AAN, što ŭ Chiersonskaj vobłaści akupacyjnaja armija vyjaviła «try bieśpiłotniki, abstalavanyja jomistaściami pa 30 litraŭ, jakija mohuć vykarystoŭvacca dla raspyleńnia bijaahientaŭ». Jon raspaviadaŭ z padrabiaznaściami ab pryncypach dziejańnia bieśpiłotnika, jaki «transpartuje ŭ zadadzieny rajon kantejnier ź vialikaj kolkaściu kamaroŭ — pieranosčykaŭ infiekcyj, i vyzvalaje ich».
A dalej, sa słoŭ pradstaŭnika RF pry AAN, dziejničajuć kamary, jakija pry ŭkusie «infikujuć atakavanych ludziej uzbudžalnikami asabliva niebiaśpiečnych zachvorvańniaŭ». Jon padkreśliŭ, što ŭkušany kamarom vajskoviec «budzie nie zdolny vykonvać pastaŭlenyja pierad im zadačy». Darečy, jon raspaviadaŭ i pra toje, što va Ukrainie, nibyta, realizavali prajekty pa vyvučeńni mahčymaści raspaŭsiudžvańnia infiekcyj praź mihrujučych ptušak, kažanoŭ, husiej.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary
na parkani moskalivśkoho kriemla,
novij virus rozpilati priletiła,
ŝob nie buło v śviti bilšie moskala.
u tajemnich hołubiatniach za Dniprom,
jelektrońnij čip u hołovu jij všili,
ŝob rosiju vona mitiła himnom,
bab iz nieba budie opłodotvoriať,
i vsi diti buduť schoži na Bandieru,
i nie zmožuť po kacapśki rozmovlať.
voni v niebi litaki taraniať vsi
mitiať vłučno hołubi pichotu ruśkich
potim kučno sieruť hradom horobci.
naviť v miši oficierśkie je zvańnia,
v lisi j poli, pid ziemleju i na niebi,
nienavidiať usim sierciem moskala.