Google prezientavaŭ pošukavik na bazie štučnaha intelektu
Na svajoj štohadovaj kanfierencyi dla raspracoŭščykaŭ Google zajaviła, što prapanuje miljonam karystalnikaŭ funkcyju pošuku, jakaja budzie ŭklučać zvodki, stvoranyja ŠI — dla zapytaŭ, anałahičnych tym, što vydajucca čat-botami, takimi jak ChatGPT.
Kampanija Google zajaviła, što jaje abnoŭlenaja pošukavaja sistema budzie ŭličvać papiarednija zapyty karystalnika i takim čynam daść mahčymaść šukać infarmacyju bieź nieabchodnaści paŭtarać užo apisany kantekst abo detali.
Sistema budzie aŭtamatyčna stvarać piersanalizavanyja adkazy na paviedamleńni ŭ asabistym čacie karystalnika.
Adkazy na asnovie ŠI taksama buduć uklučać spasyłki na veb-krynicy, ź jakich atrymanyja adkazy — heta sproba dać rady prablemie sa sfabrykavanaj infarmacyjaj.
Karystalniki pa-raniejšamu zmohuć atrymać dostup da farmatu pošuku Google u vyhladzie śpisu spasyłak pad zhienieravanymi mašynaj adkazami.
«Karystalniki chočuć bačyć infarmacyju, pryviazanuju da viadomaha brenda, naprykład… Suśvietnaj arhanizacyi achovy zdaroŭja ci pravieranaha ahienctva navin, — cytuje The Financial Times Keci Edvards, vice-prezidentku Google Search. — My nie dumajem, što karystalniki chočuć, kab im davaŭ adkaz štučny intelekt».
U ramkach svaich novych vynikaŭ pošuku Google taksama pasprabuje sacyjalnuju funkcyju pad nazvaj «Pierśpiektyvy», jakaja budzie pakazvać karystalnikam infarmacyju ad viadomych ludziej na płatformach sacyjalnych sietak u vyhladzie videa, reels, malunkaŭ i piśmovych paviedamleńniaŭ, a nie spasyłak na veb-sajty.
Pieršapačatkova funkcyja pošuku budzie dastupnaja tolki ŭ ZŠA praź sistemu śpisaŭ čakańnia. Ale kampanija paviedamiła, što ŭ chutkim časie razhledzić mahčymaść bolš šyrokaha razhortvańnia novaj pošukavaj sistemy.
Google sprabuje dahnać Microsoft u spažyvieckich praduktach štučnaha intelektu.
U lutym Microsoft apiaredziła svajho kankurenta, prezientavaŭšy pošukavuju sistemu Bing, jakaja kirujecca štučnym intelektam — jana vykarystoŭvaje technałohiju OpenAI GPT. Praź miesiac OpenAI prezientavała moŭnuju madel GPT-4, dostup da jakoj karystalniki mohuć atrymać praz premium-viersiju ChatGPT i praz Bing.
Čytajcie jašče:
Kitaj choča, kab štučny intelekt adlustroŭvaŭ asnoŭnyja kaštoŭnaści sacyjalizmu
-
Sabaki suprać katoŭ: psichołahi vyśvietlili, chto ź ich bolš uźnimaje nastroj, a chto moža psichałahična naškodzić haspadaru
-
Navukoŭcy zmahli pračytać teksty papirusaŭ, abvuhlenych padčas vyviaržeńnia Viezuvija
-
U Kitai prezientavali pieršy ŭ śviecie samachodny ŭnitaz, jaki moža pieramiaščacca pa domie
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary