U Vilni žyvie 23 tysiačy biełarusaŭ. Heta samaja vialikaja hrupa siarod zamiežnikaŭ
Biełarusy składajuć samuju vialikuju hrupu zamiežnikaŭ, jakija žyvuć u Vilni. Z pačatku hetaha hoda ŭ Litvu pierajechali amal 300 hramadzian našaj krainy — paśla rełakacyi ich kampanij. Pra heta pradstaŭniki litoŭskich dziaržstruktur raspaviali na II Biełaruskim biznes-forumie ŭ Vilni, piša «Zierkało».
U Vilni aficyjna žyvie kala 70 tysiač zamiežnikaŭ (usiaho nasielnictva litoŭskaj stalicy składaje 600 tysiač čałaviek). Heta tyja ludzi, jakija ŭžo atrymali VNŽ i zadekłaravali ŭ hetym horadzie svajo miesca žycharstva, raspaviała dyrektar International House Vilnius Ahnie Kamara.
Bolš za tracinu z hetych ludziej — biełarusy, jakich bolš za 23 tysiačy. Našy suhramadzianie składajuć samuju vialikuju zamiežnuju hrupu, jakaja žyvie ŭ Vilni. Mnohija ź ich pryjechali paśla žniŭnia 2020 hoda, jašče bolš — paśla pačatku vajny va Ukrainie.
Dyrektar Departamienta mihracyi MUS Litvy Evielina Hudzinskajcie raspaviała, što letaś u Litvie žyli 4600 biełaruskich śpiecyjalistaŭ, jakija pierajechali ŭśled za svaimi kampanijami, što rełakavalisia. Sioleta takich biełarusaŭ u Litvu pryjechała amal 300.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary