MUS samaabvieščanaj «DNR» paviedamiła, što zatrymała troch junakoŭ 2006—2007 hadoŭ naradžeńnia. Jak vynikaje z arhumientacyi takoha kroku, vykładzienaha sieparatysckim orhanam, vina padletkaŭ u tym, što jany admaŭlalisia pryznavać zachoplenyja ŭkrainskija ziemli rasijskimi.
Pavodle «deeneraŭcaŭ», chłopcy «ŭ hramadskim miescy spravakavali kanfliktnuju situacyju ź minakom na hlebie palityčnaj nianaviści». Jany, maŭlaŭ, «publična stavili pad sumnieŭ terytaryjalnuju cełasnaść Rasijskaj Fiederacyi». Jak viadoma, vosieńniu minułaha hoda rasijskija ŭłady praviali na akupavanych terytoryjach psieŭdarefierendumy ab ich dałučeńni da RF i ciapier nasupierak mižnarodnamu pravu traktujuć niezakonna zachoplenyja ziemli jak terytoryju Rasii.
Pa viersii supracoŭnikaŭ «MUS DNR», u vyniku hetaha kanfliktu ad dziejańniaŭ padletkaŭ paciarpieŭ pažyły mužčyna, a paryŭšysia niedzie ŭ svaich archivach ci internecie, jany taksama znajšli nibyta ich zdymak sa ściaham «109-ha asabnaha hornaha šturmavoha bataljona USU, jaki dysłakujecca ŭ Ivana-Frankoŭskaj vobłaści Ukrainy».
U vyniku dziejańni chłopcaŭ padvodziać pad «chulihanstva, ździejśnienaje pa matyvach palityčnaj, ideałahičnaj, rasavaj, nacyjanalnaj abo relihijnaj nianaviści ci varožaści albo pa matyvach nianaviści ci varožaści ŭ dačynieńni da jakoj-niebudź sacyjalnaj hrupy» (p. «b» č. 2 art. 213 KK RF).
U Kramli adredahavali videa vizitu Pucina. Ën havaryŭ pra Vialikdzień u budučym časie
«My zastalisia bieź ničoha», ale «dziakuj vam za pieramohu», «heta kutočak raju». Jak Pucin sustreŭsia z maryupalcami VIDEA
«Da zdačy ŭ pałon jon nie dažyŭ dziesiać dzion, my navat mahiły jaho nie majem». Baćka raspavioŭ pra zahinułaha pry abaronie Maryupala ŭradženca Biełarusi
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary