Majk Tajsan dapuściŭ mahčymaść revanšu z Chalifiłdam. Praz 26 hadoŭ
Tajsan adznačyŭ, što jaho možna ŭhavaryć pravieści jašče adzin pajadynak z Evanderam Chalifiłdam. U 1996 hodzie Tajsan adkusiŭ Chalifiłdu častku vucha.
Były čempijon śvietu pa boksie Majk Tajsan dapuściŭ mahčymaść revanšu z Evanderam Chalifiłdam, pra heta jon zajaviŭ u intervju TMZ.
«Mianie možna było b uhavaryć heta zrabić. Mnie treba pahavaryć ź ludźmi. Kali ja baču ludziej z hrašyma, maja hałava pačynaje lepš pracavać», — skazaŭ Tajsan.
Tajsan i Chalifiłd sustrakalisia na rynhu dva razy. U pieršym bai 9 listapada 1996 hoda Chalifiłd pieramoh techničnym nakaŭtam u 11-m raŭndzie. Matč-revanš adbyŭsia 26 červienia 1997 hoda i zaviaršyŭsia pieramohaj Chalifiłda paśla dyskvalifikacyi sapiernika ŭ trecim raŭndzie. Mienavita ŭ tym bai Tajsan adkusiŭ sapierniku častku vucha. Paviedamleńni ab trecim bai źjaŭlalisia nie raz za apošnija hady, ale baki da hetaha času nie mahli damovicca ab umovach.
Kamientary