Rasijski konsuł u Biełarusi ŭ paniadziełak naviedaŭ rasijanku Safiju Sapiehu, asudžanuju da šaści hadoŭ kałonii, i atrymaŭ ad jaje zhodu na ekstradycyju.
Nastupnym etapam ekstradycyi i jaje techničnymi detalami zajmajucca rasijskija i biełaruskija pravaachoŭnyja orhany.
U pačatku krasavika advakat Sapiehi Anton Hašynski raskazvaŭ, što ŭ Biełarusi zapuščana pracedura ekstradycyi. Telehram-kanał Baza paviedamlaŭ, što baćki Sapiehi padali chadajnictva ŭ Miniust ab pieravodzie dački ŭ rasijskuju kałoniju. Pavodle źviestak Baza, biełaruski bok daŭ svaju zhodu na pieravod, i zaraz siamja Sapiehi čakaje suda, jaki vyznačyć termin pakarańnia ŭ Rasii.
U červieni 2022 hoda Safija Sapieha, abvinavačanaja ŭ raspalvańni varožaści i niezakonnym zbory źviestak ab pryvatnym žyćci, prasiła ab pamiłavańni, adnak sud u Biełarusi joj admoviŭ.
Sapiehu zatrymali ŭ mai 2021 hoda razam z Ramanam Pratasievičam paśla vymušanaj pasadki ŭ Minsku samalota Ryanair, jakim jany lacieli z Afin u Vilniu. U mai 2022 hoda Sapiehu asudzili da šaści hadoŭ kałonii.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary