Akcior z «Hary Potera» pamior paśla taho, jak samleŭ na vakzale Kinhs-Kros
Poł Hrant, jaki syhraŭ u «Zornych vojnach» i «Hary Potery», pamior va ŭzroście 56 hadoŭ. Pra heta piša The Sun sa spasyłkaj na siamju akciora. Palicyjanty znajšli jaho biez prytomnaści kala łondanskaha vakzała Kinhs-Kros 16 sakavika.
Vakzał Kinhs-Kros raźmieščany ŭ paŭnočna-ŭschodniaj častcy Łondana, u rajonie Kamden. Suśvietnuju słavu jon atrymaŭ paśla vychadu sieryi knih Džoan Roŭlinh pra Hary Potera — mienavita z hetaha vakzała adpraŭlaŭsia ciahnik u škołu viadźmarstva i čaraŭnictva «Chohvarts».
The Guardian piša, što Hrant pamior u 3:49 ranicy pa miascovym časie, 20 sakavika, ale śmierć mozha nastupiła ŭ toj dzień, kali jon straciŭ prytomnaść na vakzale. The Sun udakładniaje, što chvoraha adklučyli ad aparata žyćciezabieśpiačeńnia 19 sakavika.
Pryčyna śmierci nie ŭdakładniajecca. The Sun sa spasyłkaj na siabra siamji piša, što akcior zmahaŭsia z zaležnaściu ad narkotykaŭ i ałkaholu.
U Hranta było pryrodžanaje hienietyčnaje zachvorvańnie spondyloepiphyseal dysplasia congenita (raznavidnaść karlikavaści). Jaho rost składaŭ 132 sm.
Akcior syhraŭ adnaho z evokaŭ (rasa maleńkich dvuchnohich istot) u filmie «Zornyja vojny: Epizod 6. Viartańnie džedaja» (1983) i hoblina ŭ filmie «Hary Poter i fiłasofski kamień» (2001).
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary