Minabarony Vialikabrytanii: Pad Bachmutam iduć ciažkija bai, Rasija rychtujecca da novaha nastupu na Vuhladar
Ministerstva abarony Vialikabrytanii paviedamiła, što rasijskija siły ŭ Danieckaj vobłaści Ukrainy praciahvajuć sproby akružyć Bachmut, a taksama rychtujucca da novaha šturmu Vuhladara. Pra heta havorycca ŭ štodzionnym ahladzie situacyi va Ukrainie, jaki ranicaj 23 lutaha pradstaviła brytanskaja raźviedka.
U apošnija dva dni, havorycca ŭ ahladzie, praciahvalisia ciažkija bai pad Bachmutam, dzie va ŭkrainskich sił zastajucca adkrytymi šlachi zabieśpiačeńnia na zachad, «niahledziačy na pastupovaje akružeńnie Rasijaj ciaham apošnich šaści tydniaŭ».
Horad Vuhladar znoŭ padvierhnuŭsia mocnamu abstrełu, skazana ŭ paviedamleńni ministerstva Vialikabrytanii. «Isnuje realnaja vierahodnaść, što Rasija rychtujecca da čarhovaha nastupu ŭ hetym rajonie», — zajavili brytanskija vajskoŭcy. Jany adznačyli, što ŭ kancy 2022 hoda i lutym 2023 hoda nastup rasijan pad Vuhladaram pravaliŭsia.
U Minabarony Vialikabrytanii ličać, što za bajavyja dziejańni ŭ rajonie Vuhladara pa-raniejšamu adkazvajuć vojski Uschodniaj vajennaj akruhi, jakim kamanduje hienierał-pałkoŭnik Rustam Muradaŭ. Na dumku brytanskich vajskoŭcaŭ, na Muradava akazvajuć cisk, kab jon palepšyŭ vyniki paśla papiarednich niaŭdač. «Adnak małavierahodna, što ŭ Muradava jość udarnaja siła, zdolnaja damahčysia praryvu», — zajavili ŭ Minabarony Vialikabrytanii.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary