Biełaruski Hajun: Rasijanie pačali imitavać uźloty MiH-31K u Biełarusi
VKS Rasijskaj Fiederacyi i VPS Respubliki Biełaruś pačali imitavać uźlot MiH-31K padčas uźlotaŭ samalotaŭ inšych typaŭ, paviedamlaje telehram-kanał «Biełaruski Hajun».
«Učora ŭ druhoj pałovie dnia my paviedamili ab dvuch hrupavych vyletach avijacyi VKS RF z aeradroma Mačuliščy ŭ 13 i 16 hadzin. Hetyja vylety mieli šerah dziŭnych momantaŭ, na jakija my paśla źviarnuli ŭvahu (samaje vidavočnaje — jany nie viarnulisia ŭ Mačuliščy). Možna było padumać, što MiHi palacieli ŭ RF ci ŭpali ŭ bałota, ale situacyja inšaja», — piša kanał.
Vylety avijacyi sapraŭdy byli, i krynicy pra heta paviedamlali, ale ŭčora ranicaj u Mačuliščy z Baranavičaŭ prylacieła hrupa źniščalnikaŭ. Na praciahu dnia hetyja źniščalniki ździajśniali ŭźloty z aeradroma Mačuliščy, i huk uźlotu byŭ vielmi padobny da huku ŭźlotu MiH-31K i A-50, paviedamlaje «Hajun».
Kanał robić vysnovu, što ŭčora źniščalniki z Baranavičaŭ na aeradromie ŭ Mačuliščach pravodzili trenirovačna-imitacyjnyja vylety. Metaj było zymitavać uźlot MiH-31K pry ŭźlocie standartnaha źniščalnika typu Su.
Miž tym, padčas uźlotu MiH-31K, jaki niasie rakiety «Kinžał», zaŭsiody abjaŭlajecca pavietranaja tryvoha pa ŭsioj Ukrainie.
Kamientary