Ekanomika11

Najlepšyja — śvietłyja i smalanistyja. Jak i navošta źbirajuć uradžaj ź jałovych płantacyj

Usiu zimu kožnuju ranicu ŭ hadavalniku Smarhonskaha doślednaha lashasa na płantacyi elitnych jalin narychtoŭvajuć šyški. Praca karpatlivaja: kožnuju zdymajuć z dreva ŭručnuju, raskazvaje telekanał ANT. Takim čynam narychtoŭvajecca syravina dla nastupnych pasadak novaha lesu. Ale jaje jašče treba dobra apracavać.

«Kalučyja» płantacyi ŭ Smarhoni adny z najbujniejšych u krainie — bolš za 40 ha. Tut hadujuć tolki elitnuju jełku, jaje nasieńnie — asnova budučych lasoŭ. Praŭda, hetym razam uradžaj atrymaŭsia nievialiki — usiaho 5 ton.

Jełka — dreva kapryznaje, šmat pładanosić tolki raz na try hady, a to i radziej. A voś nadvorje dla takoj uboračnaj ciapier samaje prydatnaje — čym nižejšaja tempieratura, tym praściej.

Alaksiej Hryškievič, načalnik bazisnaha lesahadavalnika Smarhonskaha doślednaha lashasa, havoryć: «Źbirać treba abaviazkova ź listapada pa luty, čym raniej, tym lepš. Bo kali paźniej my budziem ich źbirać, to šyški mohuć raskrycca, nasieńnie vysypacca, i ŭ vyniku my atrymajem mienšy vychad nasieńnia z hetych šyšak».

Sabranyja šyški adrazu ž adpraŭlajuć na sartavańnie. I tut taksama robicca ŭsio vyklučna rukami. Kamanda supracoŭnic sprytna adkidaje paškodžanyja, u miachi na pierapracoŭku traplajuć tolki najlepšyja ekzemplary.

Najlepšyja — tyja, jakija roŭnyja, śvietłyja, karyčnievyja, smalanistyja.

Šyški z usioj Hrodzienskaj vobłaści zvoziać u Ščučynski lashas. Tut ich pierapracoŭvajuć i zachoŭvajuć — za siezon da 70 ton. Na pradpryjemstvie pastaŭlena sučasnaje abstalavańnie, usie pracesy aŭtamatyzavanyja. 

Pieratvareńnie šyšak u nasieńnie — praces niachutki, zajmaje da 3-ch sutak. Za hety čas — piać stadyj apracoŭki.

Najvažniejšaja — suška. Śpiecyjalnaja šafa — serca cecha. Jana źmiaščaje da 600 kh šyšak. Sušacca šyški 48 hadzin pry tempieratury + 50° C, vilhotnaść nie pavinna pieravyšać bolš za 15%.

Suška — samy adkazny etap, tamu što kali šyška nie raskryjecca, to budzie mienš nasieńnia.

Užo z suchoj syraviny vytrasajuć nasieńnie. Jaho adpraŭlajuć u vielizarnuju centryfuhu, dzie pad ciskam pavietra i vady adździalajuć niepatrebnyja prydatki. Z tony atrymlivajecca ŭsiaho 10 — maksimum 14 kh nasieńnia.

Ale nie kožnaje nasieńnie zdolnaje ŭzyści. Vybrakavanyja pustyški zastajucca ŭ aparacie, a ciažkaje nalitaje nasieńnie traplaje ŭ kantejnier. Zatym jaho praviarajuć u łabaratoryi. Za nasieńniem nazirajuć 14 dzion, potym ličać, vyvodziać pracent uschodžaści. A adtul jano idzie ŭ vialiki chaładzilnik — na doŭhaje zachoŭvańnie.

Pry tempieratury kala -2°C nasieńnie lažyć piać hadoŭ, krychu nižejšaj — i dziesiać. U luby momant skrynki možna dastać i adpravić, kab siejać les.

Kažuć, što nasieńnie nie zaležvajecca, dreŭ sadziać bahata i ŭ nas, a ŭvohule našy jełki i sosny rastuć užo i ŭ Rasii, i navat u Šviecyi.

Jakim budzie biełaruski les u najbližejšyja dziesiacihodździ, prahnazavać tut usio ž nie biarucca: klimat mianiajecca. Častyja zasuchi vyciaśniajuć jełku, jakaja lubić vilhać i prachałodu, u paŭnočnyja rehijony. Tamu bolš u našych lasach buduć raści sosny. 

Kamientary1

  • šyška
    05.02.2023
    peŭna "bolš u našych lasach buduć raści sosny" nie tolki, a moža i nie stolki praz klimat

Ciapier čytajuć

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć

Usie naviny →
Usie naviny

Kanstancin Mieładze abviaściŭ pra zakryćcio prajekta «VIA HRA»3

Rasijskija IT-asacyjacyi prosiać Pucina abaranić «Lestu» ad nacyjanalizacyi

Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia90

Na miažy Biełarusi i Ukrainy prachodzić najbujniejšy abmien pałonnymi ŭ farmacie 1000ch10008

«My ŭsie ruskija». Deputat Dziaržaŭnaj dumy zajaviŭ, što meta vajny — stvaryć adzinuju dziaržavu Rasii, Biełarusi i Ukrainy25

Na pažary ŭ Kamianieckim rajonie zahinuli dvoje dziaciej

U Rasii mama paprasiła znajomaha ŭtapić svaju 12-hadovuju dačku, bo taja kiepska siabie pavodziła1

«My ŭsie hasudaravy ludzi». Karanik na raźvitańnie zajaviŭ pra svaju viernapaddanaść14

Schiemy, pa jakich dziejničaje HB. Vyjšła rasśledavańnie pra picierskich sieksotaŭ FSB

bolš čytanych navin
bolš łajkanych navin

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6

U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć

Hałoŭnaje
Usie naviny →

Zaŭvaha:

 

 

 

 

Zakryć Paviedamić