Aŭstralija prybiare z hrošaj Lizavietu II, a Karła III źmiaščać nie budzie
Reziervovy bank Aŭstralii pryniaŭ rašeńnie ab tym, što zamiest partreta novaha brytanskaha manarcha, jaki ŭžo źjaviŭsia na brytanskich płastykavych kupiurach, na banknocie ŭ 5 dalaraŭ źjavicca malunak, «jaki adlustroŭvaje kulturu i historyju aŭstralijskich abaryhienaŭ».
Što nakont hetaha rašeńnia dumaje sam Karł III, pakul nieviadoma. Ale naŭrad ci jaho asabistaja dumka tut niešta źmienić.
Aŭstralija, choć daŭno źjaŭlajecca całkam niezaležnaj ad Vialikabrytanii, dziaržavaj, zachavała ŭ jakaści farmalnaha kiraŭnika brytanskaha manarcha, jaki pradstaŭleny ŭ krainie hienierał-hubiernataram. Adnak ułada hetaha manarcha čysta simvaličnaja, sapraŭdy kiraŭnik krainy — premjer-ministr, na pryznačeńnie jakoha karol nie maje nijakaha ŭpłyvu.
Uvohule, paśla źmieny fihury na brytanskim tronie mnohija čakajuć taho, što dziaržavy brytanskaj Sadružnaści, dzie anałahična z Aŭstralijaj brytanski manarch zastajecca simvaličnym kiraŭnikom dziaržavy, buduć admaŭlacca ad hetaha stanu. Niekatoryja tak rabili i raniej (apošni vypadak — Barbadas, jaki pamianiaŭ karalevu na prezidenta ŭ listapadzie 2021 hoda), ale bolšaść zachoŭvali tradycyju ŭ značnaj stupieni z pavahi da samoj Lizaviety II. Jaje nastupnik takim aŭtarytetam užo nie karystajecca.
Zrešty, abličča Lizaviety II kašalki aŭstralijcaŭ nie pakinie jašče doŭha. Bo, jak paviedamili ŭ banku Aŭstralii, na raspracoŭku dyzajnu i vypusk novaj piacidalaravaj banknoty budzie vydatkavana niekalki hadoŭ. I ŭvieś hety čas u abaračeńnie z zapasaŭ banka praciahnuć sychodzić kupiury ciapierašniaha farmatu. Akramia taho, navat paśla ŭvodu novaj banknoty staryja hrošy z karalevaj praciahnuć zastavacca zakonnym płaciežnym srodkam i buduć vyvodzicca z abaračeńnia pastupova.
Aprača ŭłasna Aŭstralii, aŭstralijski dalar źjaŭlajecca srodkam raźliku taksama ŭ drobnych astraŭnych cichaakijanskich dziaržavach Kirybaci, Nauru i Tuvału.
-
Kali vašy baćki dažyli da 100 hadoŭ, ci značyć heta, što i vy pražyviacie doŭha? Navukoŭcy dali adkaz
-
«Nie razumieju, navošta heta rablu». Biełarusu ŭ Kitai pryjšłosia nadzimać zakołatuju śvińniu ručnoj pompaj
-
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary