U sudzie Vaŭkavyskaha rajona razhladzieli kryminalnuju spravu suprać adnaho z administrataraŭ telehram-kanała «Armija z narodam» Siarhieja Jaraševiča, asudžanaha raniej da piaci z pałovaj hadoŭ kałonii. Sudździa Mikałaj Siarhiejka pryznaŭ palitviaźnia vinavatym i prysudziŭ jamu jašče dzieviać miesiacaŭ pazbaŭleńnia voli, paviedamlaje «Viasna».
Jaraševiča abvinavacili pavodle č. 1 art. 411 Kryminalnaha kodeksa (złosnaje niepadparadkavańnie patrabavańniam administracyi papraŭčaj ustanovy).
Siarhiej — adzin z administrataraŭ telehram-kanała «Armija z narodam», a taksama muž davieranaj asoby Śviatłany Cichanoŭskaj, taksama palitźniavolenaj Antaniny Kanavałavaj. Jon viarnuŭsia ŭ Biełaruś paśla zatrymańnia žonki, choć pierad hetym vyjechaŭ, bo adčuvaŭ niebiaśpieku.
Pa źviestkach pravaabaroncaŭ, za apošnija dva hady jak minimum 46 palitźniavolenych pieraviali na turemny režym i suprać jašče 18 raspačali novyja kryminalnyja spravy pa art. 411 KK.
Ciapier čytajuć
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna50
Kamientary