PKB pierajmienavana ŭ Biełaruskuju partyju abjadnanych levych «Spraviadlivy śviet».
Partyja kamunistaŭ Biełaruskaja pierajmienavana ŭ Biełaruskuju partyju abjadnanych levych «Spraviadlivy śviet».
Takoje rašeńnie pryniata 25 kastryčnika pa vynikach hałasavańnia na druhim pasiadžeńni XIV pazačarhovaha źjezda partyi.
Na hałasavańnie vynosiłasia
piać novych nazvaŭ
— Biełaruskaja partyja abjadnanych levych «Spraviadlivaść», Biełaruskaja partyja abjadnanych levych, Biełaruskaja partyja abjadnanych levych «Radzima», Biełaruskaja partyja abjadnanych levych «Spraviadlivy śviet» i Abjadnanaja partyja levych.
Pieršy sakratar CK PKB Siarhiej Kalakin u svaim dakładzie prapanavaŭ nazvać arhanizacyju Biełaruskaja partyja abjadnanych levych «Spraviadlivy śviet». Pavodle jaho słoŭ,
hetaja nazva źjaŭlajecca kampilacyjaj usich inšych nazvaŭ, prapanavanych členami partyi.
Jak ličyć Kalakin, jana dazvolić partyi pryciahnuć u svaje šerahi nie tolki moładź, ale i pradstaŭnikoŭ inšych levych arhanizacyj, jakija nie prajšli aficyjnuju rehistracyju.
U vyniku za hetuju nazvu prahałasavali 89 z 158 delehataŭ. Astatnija nazvy nabrali ad 6 da 15 hałasoŭ.
Kala hoda tamu pradstaŭniki PKB publična zahavaryli pra nieabchodnaść madernizacyi partyi. U mai, napiaredadni praviadzieńnia pieršaha pasiadžeńnia pazačarhovaha źjezda PKB, pres-sakratar partyi Siarhiej Vaźniak u intervju BiełaPAN zajaviŭ: «Pytańnie źmieny nazvy — tolki maleńkaja častka hetaj prablemy. Sprava ŭ tym, što 18 hadoŭ my pracavali tak, jak pracavała kamunistyčnaja partyja Savieckaha Sajuza. Adnak za hetyja hady šmat źmianiłasia. Vobraz kamunizmu pačaŭ nabyvać niehatyŭnaje adcieńnie i adpužvać maładych ludziej. Z hetym źviazana ideja pierajmienavańnia partyi».
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa65
Kamientary