Hałoŭny trenier BATE raźličvaje na pieramohu ŭ matčy z AJEK
Taksama Viktar Hančarenka vykazaŭ škadavańnie, što na «Dynama» moža znoŭ nie być anšłaha.
Hałoŭny trenier barysaŭskaha BATE Viktar Hančarenka raźličvaje na pieramohu ŭ matčy treciaha tura hrupavoha etapa Lihi Jeŭropy suprać hrečaskaha kłuba AJEK.
«My majem namier zrabić usio mahčymaje, kab damahčysia stanoŭčaha vyniku i atrymać pieršuju pieramohu ŭ hrupavym turniry», — zajaviŭ Hančarenka na sustrečy z žurnalistami napiaredadni pajadynku, jaki projdzie 22 kastryčnika na minskim stadyjonie «Dynama».
Pavodle słoŭ treniera, vyniki matčaŭ Lihi čempijonaŭ, što prajšli 20 kastryčnika, u pryvatnaści «Barsiełona» — «Rubin» (1:2) i «Inter» — «Dynama» (Kijeŭ) (2:2), jašče raz paćvierdzili, što ŭ futbole nie zastałosia favarytaŭ i mahčymy luby vynik.
Trenierski štab BATE vałodaje dastatkovaj infarmacyjaj ab sapierniku, adznačyŭ Hančarenka. «Jość šmat DVD, trenier Alaksandr Jermakovič vyjazdžaŭ u Hrecyju na apošni matč AJEK u nacyjanalnym pieršynstvie.Kali «Eviertan» addaje pieravahu doŭhim pieradačam, a «Bienfika» — karotkamu i siaredniamu pasu, to AJEK sumiaščaje hetyja styli. Naša zadača — vyjści i cisnuć na słabyja baki sapiernika», — padkreśliŭ hałoŭny trenier BATE. Jak paviedamiŭ Hančarenka, usie hulcy, za vyklučeńniem Stasieviča, jaki pieranios apieracyju, zdarovyja, «navat Bułyha z učarašniaha dnia trenirujecca».
Pavodle słoŭ napadajučaha BATE Vitala Radzivonava, kamandzie nieabchodna pieramoha, kab «dadać upeŭnienaści ŭ svaich siłach». «AJEK — mocny hrečaski kłub, jeŭrapiejski sieradniak, ź jakim BATE pa siłach hulać i damahacca stanoŭčaha vyniku. Hetaja pieramoha zapoŭnicca nadoŭha, bo jana budzie pieršaj u hrupavych turnirach Lihi čempijonaŭ i Lihi Jeŭropy», — ličyć futbalist.
Viktar Hančarenka vykazaŭ škadavańnie, što na «Dynama» moža znoŭ nie być anšłaha. «Ceny na bilety davoli prymalnyja.Mahčyma, markietynhavych chadoŭ nie chapaje, mahčyma, nasycilisia letaś Lihaj čempijonaŭ, chacia niačasta da nas pryjazdžajuć kamandy navat uzroŭniu adnaho ź lideraŭ hrečaskaha futboła», — adznačyŭ hałoŭny trenier BATE.
Kamientary