NYT: Ukraina abaraniajecca ad tannych «Šachiedaŭ» darahimi rakietami
New York Times piša pra pośpiechi ŭkrainskich vajskoŭcaŭ, jakija zajaŭlajuć, što za apošnija dni źbili ŭsie 80 dronaŭ-kamikadze, zapuščanych z Rasii, i zadajecca pytańniem: jak doŭha Ukraina zmoža padtrymlivać svaje namahańni, uličvajučy, što takija zachady abarony abychodziacca dosyć doraha.
Bieśpiłotniki «Šachied-136» iranskaj vytvorčaści, jakija vykarystoŭvaje Rasija, adnosna tannyja, u toj čas jak nabor ŭzbrajeńniaŭ, nieabchodnych dla taho, kab ich źbić, abychodzicca značna daražej, kažuć ekśpierty.
Kiraŭnik Ukrainskaj kansałtynhavaj kampanii «Malfar» Arciom Starosik padličyŭ, što rakiety, jakimi źbivajuć bieśpiłotniki, abychodziacca ŭ siem razoŭ daražej, čym zapusk samoha drona.
Adzin «Šachied» moža kaštavać 20 tysiač dalaraŭ, u toj čas jak košt pusku rakiety kłasa «ziamla-pavietra» moža składać ad 140 tysiač dalaraŭ za savieckija S-300 da paŭmiljona dalaraŭ u vypadku z amierykanskimi NASAMS.
Na dumku niekatorych analitykaŭ, taki dysbałans moža z časam zhulać na ruku Maskvie i doraha abyścisia Ukrainie i jaje sajuźnikam.
Pa danych «Malfara», ź vieraśnia Rasija zapuściła va Ukrainu kala 600 dronaŭ. Ukrainskija vajskoŭcy asabliva nie raspaŭsiudžvajucca pra detali supraćpavietranaj abarony i jaje košt z-za apieratyŭnaj sakretnaści, jakaja achapiła vialikuju častku ich vajennaha płanavańnia, što abciažarvaje analiz, adznačaje NYT.
Kamientary
I čamu ZACHODNIJA vytvorniki elektroniki dahetul PADTRYMLIVAJUĆ "HŁANASS"? Kab rašystam lahčej było stvarać rakiety?!