Staršynia Savieta Respubliki Natalla Kačanava na sustrečy sa staršyniami haradskoha i rajonnych savietaŭ deputataŭ, vykanaŭčych kamitetaŭ Homielskaj vobłaści, kiraŭnikami administracyj rajonaŭ Homiela naceliła aktyŭ na važny ŭ palityčnym płanie 2023 hod, pieradaje BiełTA.
U Śvietłahorsku sabraŭsia ŭvieś kirujučy skład paŭdniova-ŭschodniaha rehijona, uklučajučy staršyń rajonnych savietaŭ deputataŭ i staršyń vykanaŭčaj haliny ŭłady.
Natalla Kačanava adznačyła, što «ŭ hety zaviaršalny pieryjad hoda ŭsia kraina padvodzić vyniki vykanańnia daviedzienych pakazčykaŭ sacyjalna-ekanamičnaha raźvićcia, a taksama zadač, pastaŭlenych VI Usiebiełaruskim narodnym schodam». «Jany (zadačy) vyrazna vyznačany dla kiraŭnictva krainy i pradstaŭnikoŭ respublikanskich i miascovych orhanaŭ kiravańnia, usiaho deputackaha korpusa. Ciapier my sustrakajemsia z kalehami na miescach, kab padzialicca mierkavańniami, a taksama pačuć pytańni, jakija chvalujuć vas siońnia», — źviarnułasia śpikier da aktyvu rehijona. Razmova išła pra zakanatvorčuju dziejnaść, sacyjalnyja i ekanamičnyja aryjenciry.
Taksama śpikier abaznačyła adzin z važnych aśpiektaŭ na nastupny hod.
«2023-ci budzie vielmi važny ŭ palityčnym płanie — heta hod padrychtoŭki da vybaraŭ deputataŭ usich uzroŭniaŭ, jakija adbuducca 25 lutaha 2024 hoda. Takaja forma budzie pravodzicca ŭpieršyniu ŭ našaj krainie. Heta taksama było praduhledžana Kanstytucyjaj», — akcentavała ŭvahu na padrychtoŭcy da vybarčaj kampanii Natalla Kačanava.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary
moža mudronaść?