U Biełarusi šmat tych, chto vykonvaŭ «internacyjanalny doŭh» u byłoj Čechasłavakii, u tym liku i aŭtar hetaha lista. Ale ja jechaŭ tudy nie vajavać.
U Biełarusi šmat tych, chto vykonvaŭ «internacyjanalny doŭh» u byłoj Čechasłavakii, u tym liku i aŭtar hetaha lista. Ale ja jechaŭ tudy nie vajavać.
Mnie, maładomu chłopcu, vielmi chaciełasia ŭbačyć śviet, ubačyć na svaje vočy, što dziejecca tam. Nie zvažajučy na mocnuju savieckuju prapahandu, udavałasia ŭbačyć i pierakanacca na faktach, na čyim baku praŭda.
Amal na samaj miažy, u rajonie stancyi Čop, nam vydali kaski i novyja aŭtamaty, a taksama pa try «ražki» z patronami. Pamiataju, što strachu nie było, ale było niejkaje pačućcio chvalavańnia i spadziavańnia na sustreču ź niečym novym, nieviadomym. Ranicaj, jašče ŭ pryciemkach, naš aŭtamabilny bataljon rušyŭ cieraź miažu, niepadalok ad Košycaŭ. Svaje novyja aŭtamaty my zakinuli za siadzieńnie ŭ kabinie aŭtamabila, kab nie pieraškadžali, i kaski my pazdymali, bo mocna baleła šyja, ale chutka nadziavali, kali bačyli prybližeńnie kamandziraŭ. Naša kałona raściahnułasia ŭzdoŭž ad Košycaŭ da Prahi, dy i ŭsio padarožža pa terytoryi Čechasłavakii doŭžyłasia kala troch dzion. My jechali ŭ kałonie, źmianiajučy adzin druhoha za rulom, i lubavalisia krajavidami nieznajomaj nam miascovaści.
Kali prybyli na miesca pryznačeńnia, kamandzir bataljona abviaściŭ, što zaŭtra atrymajem akupacyjnaje abmundziravańnie i akupacyjny pajok. Tak ja staŭ akupantam…
Na akupavanaj savieckimi vojskami terytoryi byli sustrečy z roznymi ludźmi: i z maładymi, i z pažyłymi. Adzin małady čech padaryŭ mnie značok z vyjavaj Masaryka…
Da savieckaj akupacyi ja adnosiŭsia admoŭna. Heta było nasille nad nievialikaj jeŭrapiejskaj krainaj.
U hetym hodzie spaŭniajecca 40 hadoŭ, jak ja pakinuŭ Čechasłavakiju, demabilizavaŭšysia z vojska. Nijakich adznakaŭ u vajennych biletach nie rabiłasia, «nie rekamiendavałasia» dzie‑niebudź uspaminać ab svaim znachodžańni ŭ Čechasłavakii.
Treba padziakavać Bohu, što aŭtamat nie spatrebiŭsia, bo za čas słužby nie zrabiŭ ź jaho nivodnaha vystrału, navat vučebnaha. Ab akupavanaj krainie zastalisia samyja śvietłyja ŭspaminy. Nazaŭsiody ŭ dušy zastałasia hetaja pryhožaja i pracavitaja jeŭrapiejskaja kraina.
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES8
Kamientary