Brytanskaja hazieta Guardian paviedamlaje, što na Sardzinii źnikła jachta rasijskaha miljardera, uradženca Minska Dźmitryja Maziepina, jakaja, pa danych vydańnia, była aryštavanaja ŭładami Italii z-za sankcyj, uviedzienych paśla rasijskaha ŭvarvańnia va Ukrainu.
Jak piša Guardian, 22-mietrovaja jachta «Ałdabara» koštam ad 700 tysiač da 1 młn jeŭra znachodziłasia ŭ porcie Olbii, ale była aryštavanaja ŭ sakaviku, kali Maziepin apynuŭsia ŭ liku rasijskich biznesoŭcaŭ, jakija padpali pad sankcyi.
Pa źviestkach haziety, jachta znachodziłasia ŭ Olbii da červienia, a zatym źnikła — i adbyłosia heta za niekalki hadzin da taho, jak jaje aficyjna abviaścili ŭłasnaściu Maziepina.
«Maziepin viedaŭ, što jon u śpisie, ale zmoh maksimalna skarystacca časam, na praciahu jakoha my vyśviatlali, što sudna naležyć jamu. Tamu što nam treba było rasśledavać uvieś łancužok ułaśnikaŭ, — skazała haziecie krynica ŭ italjanskaj finansavaj palicyi. — Kali my byli ŭ pracesie paćvierdžańnia ŭłasnaści, jaje zabrali».
Pa danych palicyi, Maziepin naniaŭ zamiežnuju kampaniju, jakaja ŭ svaju čarhu zapłaciła italjanskamu kapitanu, jaki advioŭ jachtu z Olbii. Palicyja Italii ŭstanaviła, što apošni raz jaje bačyli ŭ porcie Bizierta ŭ Tunisie, adnak pra jaje ciapierašniaje miescaznachodžańnie ničoha nie viadoma.
Guardian paviedamlaje, što zaraz italjanskija ŭłady mohuć aštrafavać na 500 tys. jeŭra za niezakonny vyvaz jachty samoha Maziepina, kampaniju, datyčnuju da jaje vyvazu, i kapitana.
U publikacyi skazana, što na Sardzinii taksama aryštavanaja viła, jakaja naležyć Maziepinu.
Maziepin uznačalvaje radu dyrektaraŭ «Urałchima», jon uklučany ŭ sankcyjnyja śpisy ŭ ES i Vialikabrytanii.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary