Fiestyval Pradmova napiaredadni zimovych śviat abviaściŭ pra start novaha konkursu rukapisaŭ «Šufladka».
Konkurs, pavodle zadumy, maje adbycca ŭ troch naminacyjach:
— dziciačaja i padletkavaja litaratura;
— non-fikšn, histaryčnaja i dakumientalnaja proza;
— masavyja žanry — detektyŭ, fentezi, fantastyka, pryhody.
Nijakich abmiežavańniaŭ pa ŭzroście, hiendary, miescy pražyvańnia aŭtaraŭ niama, ale rukapis musić być padadzieny na biełaruskaj movie.
Mety konkursa:
— pavysić cikavaść čytačoŭ i aŭtaraŭ da masavych žanraŭ;
— padtrymać aŭtaraŭ, jak maładych, hetak i tych, chto daŭno i plonna piša;
— kab rukapisy rabilisia knihami, kaniešnie!
Pieramožcam u naminacyjach abiacajuć kaštoŭny pryz: dapamoha ŭ vydańni knihi praz vydaviectva.
Žury budzie čytać rukapisy, nie viedajučy, chto ich aŭtar.
«Šufladka» maje adbycca ŭ niekalki etapaŭ:
zbor zajavak — studzień-luty;
doŭhi śpis — sakavik;
karotki śpis — krasavik;
abviaščeńnie łaŭreataŭ — maj.
(U hrafiku mohuć być źmieny).
Bolš dakładnaja infarmacyja pra etapy, a taksama ctatut konkursu buduć abnarodavanyja na pačatku studzienia. Zbor zajavak budzie arhanizavany praz huhł-formu i elektronnuju poštu [email protected].
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek1
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary