U Minsku zakryŭsia hatel, pabudavany da chakiejnaha čempijanatu śvietu 2014 hoda
Hatel «Słavianski», raźmieščany nasuprać «Minsk-Areny», pierastaŭ prymać haściej jašče ź minułaha miesiaca. Administracyja zajaviła pra «časovaje spynieńnie dziejnaści» i paprasiła «z razumieńniem pastavicca da hetaj akaličnaści». Pryčyny, pa jakich hatel začyniŭsia napiaredadni kaladnych i navahodnich śviat, nie nazyvajucca, piša Office Life.
Jak vyśvietliła vydańnie, u toj ža dzień, kali «Słavianski» spyniŭ pracu, byŭ adkryty likvidacyjny praces u dačynieńni da zabudoŭščyka i ŭładalnika hatela — stvoranaj hrupaj rasijskich inviestaraŭ kampanii «Bielinterrasinviest».
Heta kampanija z pačatku 2010-ch uzvodziła žyły kompleks «Słavianski» i ŭ jaho ramkach u krasaviku 2014 hoda, akurat da čempijanatu śvietu pa chakiei, jaki startavaŭ u Minsku, pabudavała i ŭviała ŭ ekspłuatacyju 15-paviarchovy hatel na 126 miescaŭ.
U vieraśni hetaha hoda «Bielinterrasinviest» źviartaŭsia ŭ Ekanamičny sud horada Minska z zajavaj ab pačatku pracedury bankructva. U dakumientach suda kampanija fihuruje ŭ jakaści daŭžnika. Adnak zajava była viernutaja nazad prośbitu.
«Časovaje spynieńnie dziejnaści» «Słavianskaha» moža padšturchnuć u Minsku ceny na hatelnyja pasłuhi, jakija napiaredadni pryjezdu rasijan na navahodnija śviaty ŭžo papaŭźli ŭvierch, ličać niekatoryja ekśpierty.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
to tak jamu i treba... habtelu hetamu