Hramadstva22

Jaki rehijon Biełarusi najbolš «ekstremiscki» pa viersii siłavikoŭ? Heta nie Minsk

Homielskaje vydańnie «Fłahštok» praanalizavała składzieny łukašenkaŭskimi siłavikami śpis niadobranadziejnych dla ŭładaŭ hramadzian i acaniła praź jaho maštaby represij dy rehijanalnyja admietnaści.

28 kastryčnika ŭ «śpis ekstremistaŭ» unieśli adrazu 625 čałaviek. Ciapier jon uklučaje ŭžo ažno 1 469 čałaviek.

Da ciapierašniaha momantu ŭ hramadstvie skłałasia mierkavańnie, što asnova pratesnaj aŭdytoryi i samy mahutny represiŭny aparat «siłavikoŭ» skancentravanyja ŭ Minsku. Ale čym bolš papaŭniajecca śpis ekstremistaŭ, tym bolš stanovicca vidavočna, što heta nie zusim tak.

Tak, na hety momant u śpis uklučany «tolki» 391 minčanin, u toj čas jak pa-za miežami Minska i navat abłasnych centraŭ žyvuć bolš za 700 čałaviek. Ź ich 206 — ź sielskaj miascovaści i haradskich pasiołkaŭ. A kožny piaty «ekstremist» žyvie ŭ Homielskaj vobłaści, jana i źjaŭlajecca lidaram pa hetym pakazčyku siarod abłaściej — 293 čałavieki. Krychu mienš — u Bresckaj vobłaści, 253. A najmienš «ekstremistaŭ» na Mahiloŭščynie — «tolki» 74.

Raźmierkavańnie kolkaści «ekstremistaŭ» pa abłaściach Biełarusi (ličbami paznačana kolkaść «ekstremistaŭ» u kožnaj vobłaści i Minsku)

Siarod abłasnych centraŭ lidar pa kolkaści «ekstremistaŭ» — Brest. Na siońnia ŭ śpisie znachodziacca 115 bieraściejcaŭ. Na trecim miescy paśla Minska i Bresta — Homiel sa 111 ludźmi. A samaje cikavaje, što ŭ top-5 «samych ekstremisckich» haradoŭ Biełarusi niečakana ŭvajšoŭ i adzin rajcentr Homielščyny — Žłobin (84 čałavieki).

Kali zychodzić sa źviestak siłavikoŭ, to Žłobin, biezumoŭna, možna nazvać «samym ekstremisckim» horadam Biełarusi. Tut na tysiaču žycharoŭ prypadaje bolš za adnaho «ekstremista». Jon biezumoŭny lidar u hetym płanie pa ŭsioj Homielskaj vobłaści, u jakoj ciapier tolki piać rajonaŭ (Akciabrski, Brahinski, Lelčycki, Łojeŭski i Naraŭlanski) nie majuć svaich «ekstremistaŭ».

Raźmierkavańnie kolkaści «ekstremistaŭ» pa rajonach Homielskaj vobłaści (ličbami paznačanaja kolkaść «ekstremistaŭ» u kožnym rajonie i Homieli)

Pry hetym, jak padkreślivaje «Fłahštok», mnohich viadomych fihurantaŭ palityčna matyvavanych kryminalnych spraŭ u śpisie «ekstremistaŭ» pakul niama. A heta značyć, što pakul my i tut nazirajem tolki bačnuju častku ajśbierha.

Kamientary2

  • miascovy2
    01.11.2022
    Nam treba 10młn. ekstemistaŭ. Usia nacyja musić być ekstremiskaj, za vyklučeńniem miantoŭ i išych musaroŭ.
  • Zuzik
    03.11.2022
    danyvie nie riepriezientativny. Oni dajut priedstavlenije liš ob aktivnosti i uporstvie orhanov MVD. Karta śvierchu označajet, čto samyje uporotyje mienty v Homiele. 2020 pokazał čto naibolšaja protiestnaja aktivnosť (kromie stolicy) była v Hrodno i Briestie. Tak v samom maleńkom obłastnom cientrie Briestie proischodiło vsieho i bolšie i čaŝie v absolutnych vieličinach, čiem samom bolšom obł. cientrie Homiele. A už jeśli pieriesčitať na otnositielnyje 1000čieł. tak i podavno. Vyvod prost - homielskije mienty staratielnieje druhich vypołniajut płan po "ekstriemistam"

Ciapier čytajuć

Častka iranskich rakiet iznoŭ prabiła «Žalezny ščyt» Izraila, padali na žyłyja damy1

Častka iranskich rakiet iznoŭ prabiła «Žalezny ščyt» Izraila, padali na žyłyja damy

Usie naviny →
Usie naviny

«Da hetaha času nie vieru, što vyžyŭ». Raspovied adzinaha vyžyłaha ŭ katastrofie samalota Air India, jaki raźbiŭsia ŭ Achmiedabadzie

Chłopca, jaki ŭ Lebiedzievaj beściŭ Jeŭropu, asudzili za ŭdzieł u pratestach i ŭchileńnie ad vojska6

Łukašenka zapatrabavaŭ ad vajskoŭcaŭ vynajści cud-mašynu dla baraćby z dronami9

Rasijanie zapuścili ŭ Biełarusi dziŭny miesiendžar — rehistracyja pa numary telefona, a voś vydalicca možna tolki kali dazvolać34

Džon Kienedzi i Robiert Kienedzi zhulajuć na kłubnym čempijanacie śvietu pa futbole ŭ ZŠA. Pryčym u adnoj kamandzie

Pałavoje vyśpiavańnie robicca ŭsio bolš rańnim, a psichałahičnaja darosłaść — poźniaj. I heta prablema4

Dziciačy centr, jaki admoviŭ dziaŭčynie ŭ pracaŭładkavańni za biełaruskuju movu, ułady pravieryli i znajšli parušeńni2

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

bolš čytanych navin
bolš łajkanych navin

Častka iranskich rakiet iznoŭ prabiła «Žalezny ščyt» Izraila, padali na žyłyja damy1

Častka iranskich rakiet iznoŭ prabiła «Žalezny ščyt» Izraila, padali na žyłyja damy

Hałoŭnaje
Usie naviny →

Zaŭvaha:

 

 

 

 

Zakryć Paviedamić