Raźviedka Brytanii pakazała MiH-31 i mahčymy kantejnier z «Kinžałami» pad Minskam
Na aeradromie «Mačuliščy» zafiksavany dva samaloty Mih-31 i kantejnier, imavierna, dla zachoŭvańnia rakiet «Kinžał», jakija RF nazyvaje hipierhukavymi, havorycca ŭ spravazdačy raźviedki Vialikabrytanii.
RF vykarystoŭvaje hetyja rakiety z 2018 hoda, ale raniej nie razhortvała ich u Biełarusi.
«Rasija časam zapuskała hetyja rakiety padčas vajny va Ukrainie, ale ich zapasy, vierahodna, vielmi abmiežavanyja», — havorycca ŭ paviedamleńni Minabarony.
Akramia taho, u brytanskaj raźviedcy rastłumačyli, što raźmiaščeńnie «Kinžałaŭ» u Biełarusi daje RF nievialikuju dadatkovuju pieravahu z punktu hledžańnia źniščeńnia dadatkovych celaŭ na terytoryi Ukrainy.
«Chutčej za ŭsio, razhortvańnie ažyćciaŭlałasia dla taho, kab dać sihnał Zachadu i pradstavić Biełaruś jak usio bolš zamiašanuju ŭ vajnie», — miarkujuć u abaronnym viedamstvie Brytanii.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary