Byłomu pres-sakrataru A1 Mikałaju Bredzielevu prysudzili 4 hady kałonii
Mužčynu aryštavali za dziejnuju padtrymku ruchu za svabodnyja vybary ŭ 2020 hodzie.
Pres-sakratara mabilnaha apieratara A1 pryznali vinavatym u finansavańni ekstremisckaj dziejnaści i złoŭžyvańni słužbovymi paŭnamoctvami.
Jaho pryznali vinavatym pa art. 361-2 KK (finansavańnie dziejnaści ekstremisckaha farmiravańnia). Pry hetym apraŭdali pa č. 2 art. 424 KK (złoŭžyvańnie ŭładaj ci słužbovymi paŭnamoctvami), bo adsutničajuć dokazy. Dva miesiacy sudździa Alena Ananič razhladała spravu ŭ zakrytym režymie, tamu padrabiaznaści spravy nieviadomyja. Adnak sprava vyhladaje typova palityčnaj, kali zakonnyja dziejańni čałavieka interpretujucca łukašystami, niby jany niezakonnyja ci amaralnyja.
35-hadovaha kiraŭnika ŭpraŭleńnia suviaziaŭ z hramadskaściu kampanii «A1» zatrymali 10 śniežnia 2021 hoda. Viadoma, što siłaviki źbivali jaho. Spačatku Mikałaju Bredzielevu dali 15 sutak, a zatym pieraviali ŭ SIZA № 1 na vulicy Vaładarskaha.
Taksama źjaviłasia infarmacyja pra mahčymyja vobšuki ŭ ofisie A1.
Zatrymańniu Bredzieleva papiaredničała zatrymańnie jaho siabra.
Adrazu paśla zatrymańnia śmiećcievyja telehram-kanały kinulisia abmiarkoŭvać intymnaje žyćcio Mikałaja, a z vusnaŭ čynoŭnikaŭ palilisia ahulnyja abvinavačvańni kampanii A1 u nibyta źlivach niejkich danych.
Bredzieleŭ — adzin z samych talenavitych pijarščykaŭ krainy, jaki adnačasova rabiŭ šmat dla kultury. Akramia pramych abvinavačvańniaŭ, łukašenkaŭskija resursy zakidali Mikałaju Bredzielevu raźmiaščeńnie rekłamnych zamovaŭ u niezaležnych ŚMI pry ihnaravańni łukašenkaŭskich.
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary