Biełaruskija dziaržkliniki znoŭ staviać impartnyja pratezy. Ale dziaržava ŭsio zabrała ŭ svaje ruki
Impartnyja endapratezy znoŭ dastupnyja ŭ biełaruskich dziaržaŭnych klinikach, daviedaŭsia Biełaruski rasśledavalnicki centr. Jamu paćvierdzili heta ŭ troch miedycynskich ustanovach. Ceny na poŭny pakiet pasłuh, uklučajučy sam pratez, apieracyju, aniesteziju i reabilitacyju, varjirujucca ad 3875 da 5425 dalaraŭ. Raniej taki pakiet kaštavaŭ ad 3 tysiač dalaraŭ.
Pavodle źviestak BRC, zaraz usie zakupki pratezaŭ iduć praź Biełmiedtechniku, jakaja ich raźmiarkoŭvaje pa balnicach. Pastaŭki niepasredna ŭ balnicy zabaronienyja zahadam ministra achovy zdaroŭja.
Da niadaŭniaha času manapalistam na rynku pratezavańnia ličyłasia klinika «Miersi», jakaja naležała siabroŭcy Lilii Łukašenka (žoncy Viktara) Ludmile Niaronskaj. Zaniać hetuju nišu joj dapamahła «sprava artapiedaŭ». Paśla hetaha «Miersi» stała adzinaj klinikaj u Biełarusi, jakaja staviła impartnyja pratezy, praŭda, u try razy daražej, čym u dziaržklinikach. A siońnia Ministerstva achovy zdaroŭja zajaviła, što dziejnaść «Miersi» prypyniajecca z 26 vieraśnia z-za parušeńniaŭ.
Kamientary