Rasijski prapahandyst zaklikaŭ «źniščyć usich, chto ličyć siabie ŭkraincami», z čerapam u rukach
Na videa, jakoje źjaviłasia siońnia ŭ sacyjalnych sietkach, rasijski prapahandyst Ihar Manhušaŭ vystupaje sa sceny, trymajučy ŭ rukach čałaviečy čerap abo jaho mulaž. Manhušaŭ śćviardžaje, što heta čerap adnaho z ukrainskich abaroncaŭ «Azoŭstali».
«Naša vajna — heta nie prosta vajna ź ludźmi z kryvi i płoci. Naša vajna — heta vajna ź idejaj. Ź idejaj Ukrainy, jak antyrasijskaj dziaržavy. Čamu nie moža być nijakaha prymireńnia? Ukraina pavinna być deŭkrainizavanaja. Ruskija ziemli «Małarosii» pavinny być viernutyja nazad», — kaža Manhušaŭ.
Pa słovach Manhušava, rasijanam plavać, «kolki treba zabić» ukrainskich sałdat, i «jak ich treba zabić». Jon zajaviŭ, što ŭsich nośbitaŭ «idei», pra jakuju jon dumaŭ da hetaha, nieabchodna źniščyć.
U suviazi z apublikavanym u sacyjalnych sietkach rolikam upaŭnavažany Viarchoŭnaj Rady Ukrainy pa pravach čałavieka Dźmitryj Łubiniec źviarnuŭsia da kiraŭnika hrupy pa ŭstanaŭleńniu faktaŭ śledčaj kamisii AAN pa Ukrainie Ole Sołvanha. «Nahadaju, što kali ludzi hinuć padčas vajny, ź ich ciełami treba abychodzicca z pavahaj i hodnaściu, niezaležna ad taho, źjaŭlajecca zahinuły cyvilnaj asobaj ci vajskoŭcam. Pareštki nieviadomych pavinny być identyfikavanyja. Pavaha da pamierłych — heta nie prosta humanizm i kłopat pra svajakoŭ zahinułych. Heta mižnarodnyja standarty, vykanańnie jakich harantuje, što tyja, chto zahinuli, nie buduć papaŭniać śpisy źnikłych bieź viestak», — napisaŭ Łubiniec u fejsbuku.
Ihar Manhušaŭ vajavaŭ na paŭdniovym uschodzie Ukrainy, niekatory čas byŭ adnym z kiraŭnikoŭ pryvatnaj vajskovaj kampanii «Janot». Jon lidar rasijskaha nacyjanalistyčnaha ruchu «Śvietłaja Ruś». ŚMI nazyvali Manhušava adnym z aŭtaraŭ idei vykarystańnia litary Z jak simvała rasijskaha ŭvarvańnia va Ukrainu.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»53
Kamientary