U Pinsku mužčyna nazvaŭsia «pazaštatnym supracoŭnikam KDB», ale ŭsio roŭna atrymaŭ 10 sutak aryštu
Ranicaj 7 červienia supracoŭniki milicyi pryjšli da pinčuka Alaksandra. Zhodna z pratakołam, 16 lutaha mužčyna pakinuŭ kamientaryj pad pastom adnaho z «ekstremisckich» kanałaŭ.
Za heta supracoŭniki miascovaha RAUSa skłali na jaho pratakoł pa art. 19.11 KaAP (raspaŭsiudžvańnie ekstremisckich materyjałaŭ). Da suda pinčuka pakinuli za kratami, paviedamlaje «Viasna».
Na nastupny dzień spravu Alaksandra razhledzieli ŭ sudzie Pinskaha rajona i Pinska.
Mužčyna całkam pryznaŭ svaju vinu, ale adznačyŭ, što «źjaŭlajecca pazaštatnym supracoŭnikam KDB, tamu ŭsia jaho aktyŭnaść u ekstremisckich telehram-kanałach abumoŭlenaja zadańniami kuratara».
Ale sudździu Andreja Byčyłu heta nie pierakanała, tamu jon aryštavaŭ mužčynu na 10 sutak.
Kamientary