Z 5 lipienia Absalutbank źmianiŭ nazvu i pierastaŭ być bankam. Ciapier heta niabankaŭskaja kredytna-finansavaja arhanizacyja «OptyKurs». Hetaje rašeńnie raniej było ŭzhodnienaje z Nacbankam.
«Optykurs» zmoža ažyćciaŭlać nastupnyja bankaŭskija apieracyi:
— pryciahnieńnie hrašovych srodkaŭ jurydyčnych asob, akramia bankaŭ-karespandentaŭ, na rachunki i va ŭkłady (depazity);
— adkryćcio i viadzieńnie bankaŭskich rachunkaŭ jurydyčnych asob, akramia bankaŭ-karespandentaŭ;
— ažyćciaŭleńnie raźlikovaha i kasavaha absłuhoŭvańnia fizičnych i jurydyčnych asob, u tym liku bankaŭ-karespandentaŭ;
— valutna-abmiennyja apieracyi;
— daviernaje kiravańnie hrašovymi srodkami pa damovie daviernaha kiravańnia hrašovymi srodkami;
— inkasacyja najaŭnych hrašovych srodkaŭ, kaštoŭnych mietałaŭ i kaštoŭnych kamianioŭ i inšych kaštoŭnaściaŭ;
— pradastaŭleńnie fizičnym i jurydyčnym asobam śpiecyjalnych pamiaškańniaŭ abo źmieščanych u ich siejfaŭ dla bankaŭskaha zachoŭvańnia dakumientaŭ i kaštoŭnaściaŭ (hrašovych srodkaŭ, kaštoŭnych papier, kaštoŭnych mietałaŭ i kaštoŭnych kamianioŭ i inš.);
— pieravozka najaŭnych hrašovych srodkaŭ, kaštoŭnych mietałaŭ i kaštoŭnych kamianioŭ i inšych kaštoŭnaściaŭ pamiž bankami i niabankaŭskimi kredytna-finansavymi arhanizacyjami, ich adasoblenymi i strukturnymi padraździaleńniami, a taksama dastaŭka takich kaštoŭnaściaŭ klijentam bankaŭ i niabankaŭskich kredytna-finansavych arhanizacyj.
Razam z tym z-za źmieny jurydyčnaha statusu banka na niabankaŭskuju kredytna-finansavuju arhanizacyju ŭ kampanii adklikali licenziju na ažyćciaŭleńnie bankaŭskaj dziejnaści pa takich apieracyjach, jak:
— pryciahnieńnie hrašovych srodkaŭ fizičnych asob na rachunki i (abo) va ŭkłady (depazity);
— raźmiaščeńnie pryciahnutych hrašovych srodkaŭ fizičnych i jurydyčnych asob na rachunki i va ŭkłady (depazity) ad svajho imia i za svoj košt na ŭmovach zvarotnaści, płatnaści i terminovaści;
— adkryćcio i viadzieńnie bankaŭskich rachunkaŭ fizičnych asob;
— vypusk u abaračeńnie (emisija) bankaŭskich płaciežnych kartak;
— vydača kaštoŭnych papier, jakija paćviardžajuć pryciahnieńnie hrašovych srodkaŭ va ŭkłady (depazity) i raźmiaščeńnie ich na rachunkach.
Raniej Absalutbank trapiŭ pad sankcyi ZŠA i Kanady. Jaho źviazvali ź biznesmienam Mikałajem Varabjom, jaki taksama znachodzicca pad sankcyjami ZŠA i ES.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary