Brytanskaja raźviedka: Z 19 červienia armija RF prasunułasia da Lisičanska na 5 km, niekatoryja ŭkrainskija čaści adstupili
U ranišniaj zvodcy brytanskaj raźviedki pra padziei na froncie paviedamlajecca, što z 19 červienia rasijskija vojski, pa ŭsioj vierahodnaści, prasunulisia bolš čym na piać kiłamietraŭ u napramku Lisičanska, apošniaha bujnoha horada Łuhanskaj vobłaści, jaki zastajecca pad kantrolem Ukrainy.
«Niekatoryja ŭkrainskija padraździaleńni adstupili, vierahodna, kab paźbiehnuć akružeńnia, — paviedamlaje brytanskaja raźviedka. — Palepšanyja pazicyi Rasii ŭ hetym siektary, imavierna, stali vynikam niadaŭniaha padmacavańnia i vysokaj kancentracyi ahniu».
Pavodle acenak brytanskich vajskoŭcaŭ, armija RF «akazvaje na «kišeniu» Lisičansk — Sievieradanieck usio bolšy cisk, raźvivajučy pastupovy nastup vakoł uskrain zabudavanaha rajona».
«Adnak jaje sproby stvaryć bolš maštabnaje akružeńnie, kab zachapić zachad Danieckaj vobłaści zastajucca niaŭdałymi», — skazana ŭ zvodcy.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ1616
Kamientary