Abmiežavańni na naviedvańnie lasoŭ uviedzienyja ŭ bolšaści rajonaŭ, na Homielščynie jość i zabarony
Pa stanie na 8 červienia zabarony i abmiežavańni na naviedvańnie lasoŭ uviedzienyja ŭ 63 rajonach Biełarusi (usiaho ich 118). Pra heta śviedčyć interaktyŭnaja karta Ministerstva lasnoj haspadarki.
Abmiežavańniaŭ pakul što zusim niama ŭ Viciebskaj i Mahiloŭskaj abłaściach, zatoje lasy Hrodzienščyny achoplenyja imi całkam.
U Minskaj vobłaści abmiežavańni ŭviedzienyja amal va ŭsich rajonach, akramia Łahojskaha i Miadzielskaha.
U Bresckaj vobłaści naviedvańnie lasoŭ abmiežavanaje ŭ 12 rajonach: Baranavickim, Hancavickim, Drahičynskim, Žabinkaŭskim, Ivanaŭskim, Ivacevickim, Kobrynskim, Lachavickim, Małaryckim, Pinskim, Pružanskim i Stolinskim.
Na Homielščynie abmiežavańni zakranuli piać rajonaŭ: Žytkavicki, Žłobinski, Lelčycki, Akciabrski i Chojnicki.
U toj ža čas całkam zabaroniena naviedvać lasy ŭ 9 rajonach: Brahinskim, Homielskim, Jelskim, Kalinkavickim, Łojeŭskim, Mazyrskim, Naraŭlanskim, Pietrykaŭskim i Rečyckim. Varta adznačyć, što hetyja rajony, ź jakich u asnoŭnyim va Ukrainu ź biełaruskaj terytoryi zachodzili rasijskija vojski, zakrytyja dla naviedvalnikaŭ užo niekalki miesiacaŭ. Heta źviazvajuć nie z umovami nadvorja, a z tym, što paśla rasijskaha vojska tam mahło zastacca niamała vybuchovych pryład.
Kamientary