Žycharka Hancavič «inviestavała» bolš za 41 tysiaču rubloŭ — i straciła hrošy
U milicyju źviarnułasia 55-hadovaja žycharka Hancavičaŭ i paviedamiła, što jaje padmanuli ašukancy, jakija pradstavilisia «mižnarodnaj finansavaj kampanijaj» i prapanavali joj ukłaści hrošy ŭ «inviestycyjny prajekt». Sprava skončyłasia strataj bujnoj sumy, paviedamlaje Śledčy kamitet.
Žančyna raspaviała, što chacieła zarabić na inviestycyjach u siecivie i znajšła nibyta mižnarodnuju finansavuju kampaniju. Praź niekatory čas ź joj źviazaŭsia čałaviek, jaki pradstaviŭsia supracoŭnikam firmy i paabiacaŭ akazvać dapamohu.
Doŭhi čas złamyśnik kuryravaŭ dziejańni žančyny i vysyłaŭ joj rekvizity dla pieravodu hrošaj. Taja ŭnosiła peŭnyja sumy i navat nibyta zmahła zarabić, adnak dla vyvadu hrošaj ad jaje patrabavali zapłacić «kamisiju».
Žančyna raz za razam unosiła patrebavanyja sumy, dla čaho nieadnarazova afarmlała kredyty ŭ banku. Adnak vyvieści «zaroblenyja» hrošy tak i nie zmahła.
Usiaho jana pieraličyła złamyśnikam bolš za 41 tysiaču rubloŭ.
Śledčy kamitet raspačaŭ kryminalnuju spravu pa č. 4 art. 209 (Machlarstva, ździejśnienaje ŭ asabliva bujnym pamiery) Kryminalnaha kodeksa.
Kamientary