Jabłyki — pa 3, durnicy — pa 50 rubloŭ za kiło. Jakija ceny ciapier na Kamaroŭcy?
Karespandenty «Minsk-Navinaŭ» zavitali na samy papularny minski rynak i raspaviali, kolki tam kaštujuć sadavina i jahady.
Bujnyja kłubnicy kaštujuć 17-20 rubloŭ za kiło, drobnyja — na niekalki rubloŭ tańniej. Hrečaskija ciapier pradajuć u siarednim pa 12.
Za kiłahram čarešniaŭ prosiać kala 25 rubloŭ. Tolki ŭ niekatorych miescach sustrelisia prapanovy za 20.
Ź jahad možna sustreć durnicy: kiło pradajuć za 50-60 rubloŭ. Kubačak (250 h) malin kaštuje ciapier ad 5 rubloŭ.
Na rynku jość užo kavuny — za kiło iranskaj jahady prosiać 5 rubloŭ. Mandaryny i apielsiny ciapier nie karystajucca vialikim popytam. Naprykład, sałodki bujny apielsin zaraz kaštuje ŭ siarednim 6 rubloŭ za kiłahram, hrejpfrut — 7, mandaryny — ad 4.
Niektaryn i piersik pradajuć pa 20 rubloŭ, abrykosy — ad 10 da 15 rubloŭ, inžyrny piersik — 25 rubloŭ.
Siaredniaja cana jabłykaŭ — 3 rubli za kiłahram. Ślivu možna kupić pa 10 rubloŭ za kiło, hrušy — pa 7, kivi i vinahrad — ad 8.
Žurnalisty adznačajuć, što ceny na ahurki panizilisia: ciapier pupyrystyja možna kupić za 3 rubli. Pamidory kaštujuć daražej: dzieści pradajuć pa 3—5, dzieści — ad 8, čery na halincy i ŭvohule za 20. Kiło kabačkoŭ acanili ŭ 5 rubloŭ, a voś bakłažany kaštujuć u dva razy daražej.
Kiło imbira acanili ŭ 20 rubloŭ. Piercy kaštujuć tańniej, čym miesiac-druhi tamu: ceny pačynajucca ad 3 rubloŭ.
Cana na bulbu — ad rubla da piaci, naprykład, «hała» pradajecca za 99 kapiejek, «łasunak» — za 1,4 rubla, a voś maładaja rańniaja bulba — za 4,5-5.
Časnyk kaštuje 9 rubloŭ, buraki maładyja — 5, morkva — u siarednim 3. Pučki zielaniny (krop, piatruška, piory zialonaj cybuli, ščaŭje) tradycyjna pradajuć pa 1,5 rubla.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ94
Kamientary