U Kiraŭskim rajonie na palach AAT «Rasśviet imia K. P. Arłoŭskaha» pačali vysadžvać u adkryty hrunt rasadu kavunoŭ. Fotarepartaž publikuje rajonnaja hazieta «Kiraviec».
30 tysiač sadžancaŭ raźmiaščajuć na piaci hiektarach pry dapamozie rasadapasadkavaj mašyny. Kavuny ŭ «Rasśviecie» vyroščvajuć treci hod zapar.
U hetym siezonie ekśpierymientujuć z novym hatunkam «ramanza» — jon adroźnivajecca źniešnim vyhladam i smakavymi jakaściami, vysokaj uradžajnaściu, pryznačany dla praciahłaha zachoŭvańnia.
Spryjalnaj tempieraturaj pavietra dla dobraha paśpiavańnia kavunoŭ ličycca 28-30 hradusaŭ vyšej za nul. Ciapier, kab kampiensavać niedachop ciapła, raśliny adrazu ž paśla vysadki akuratna zakryvajuć spanbondam — da taho času, pakul jany adaptujucca da novych klimatyčnych umoŭ, ukaraniacca i pojduć u rost.
Kamientary