Mižnarodnyja płaciežnyja sistemy Visa i Mastercard abviaścili ab prypynieńni svajoj dziejnaści ŭ Rasii.
Karty Visa i Mastercard, vypuščanyja ŭ Rasii, nie buduć pracavać za miažoj, a karty, vypuščanyja zamiežnymi finansavymi ŭstanovami, nie buduć pracavać u Rasii.
«My vymušanyja pajści na hety krok z-za rasiejskaha ŭvarvańnia va Ukrainu i nieprymalnych padziej, śviedkami jakich my stali, ‒havorycca ŭ zajavie Visa. ‒ Hetaja vajna i pastajannaja pahroza miru i stabilnaści patrabuje, kab my reahavali ŭ adpaviednaści z našymi kaštoŭnaściami».
«Robiačy hety krok, my dałučajemsia da mnohich inšych u nadziei na bolš pazityŭnuju, praduktyŭnuju i mirnuju budučyniu dla ŭsich nas», — adznačyli ŭ Mastercard.
Pieršym na rašeńnie Visa i Mastercard adreahavaŭ rasijski Aščadbank. Jon paviedamiŭ, što abmiežavańni nie paŭpłyvajuć na pracu kart Aščadbanka ŭ krainie.
Usie karty klijentaŭ «Śbiera» buduć pracavać, pa ich možna budzie ździajśniać apieracyi na terytoryi Rasii ‒ zdymać najaŭnyja, rabić pieravody pa numary karty, raspłačvacca jak u afłajn-kramach, tak i ŭ rasijskich internet-kramach», ‒ paviedamiŭ bank.
CB Rasii zajaviŭ, što karty Visa i Mastercard rasiejskich bankaŭ praciahnuć pracavać u ich krainie.
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA7
Kamientary