U Minsku raście kolkaść narkazaležnych. Tolki ad pieradaziroŭki letaś pamierła 79 čałaviek
U Minsku ŭ minułym hodzie ad pieradaziroŭki narkotykami i psichatropami zahinuli 70 mužčyn i 9 žančyn. U 2020-m śmierciaŭ pa hetaj pryčynie było mienš — 55 vypadkaŭ, piša ahienctva «Miensk-Naviny».
Jak raskazaŭ načalnik upraŭleńnia pa narkakantroli i supraćdziejańni handlu ludźmi HUUS Minharvykankama Alaksandr Sazonaŭ,
cieły 12 pamierłych byli vyjaŭlenyja ŭ hramadskich miescach, astatnija 67 pamierli ŭ žyłych pamiaškańniach.
U 2021 hodzie z-za vostraha atručvańnia mietadonam pamior siarod inšych i padletak. Uletku miedyki bolš za miesiac zmahalisia za žyćcio 17-hadovaha chłopca, ale nie zmahli jaho vyratavać.
Pa słovach Sazonava, usiaho za minuły hod zafiksavana 520 vypadkaŭ pieradaziroŭki narkotykami i psichatropnymi rečyvami. Heta na tracinu bolš, čym u 2020-m.
U 2020-2021 hadach 101 čałaviek traplaŭ va ŭstanovy achovy zdaroŭja ź pieradaziroŭkaj narkotykami dva i bolš razoŭ. Niekatorych dastaŭlali ŭ balnicy zvyš piaci razoŭ.
U 2021 hodzie za zbyt zabaronienych rečyvaŭ, jakija pryviali da śmierci čałavieka, jaki ich užyŭ, u Minsku raspačali 72 kryminalnyja spravy (u 2020-m — 44).
Pavodle źviestak na 1 studzienia 2022 hoda, na dyspansiernym uliku ŭ Miensku znachodziacca bolš za 5,5 tysiač narkazaležnych ludziej i spažyŭcoŭ psichaaktyŭnych rečyvaŭ.
Minskaja milicyja skłała i partret typovaha narkaspažyŭca ŭ stalicy:
- mužčyny (80 %) va ŭzroście 21-30 hadoŭ (60,4 %);
- nie pracujuć i nie vučacca — 58,6 %;
- majuć siaredniuju (50,2 %) abo siaredniuju śpiecyjalnuju (39,6 %) adukacyju;
- nie žanatyja (nie zamužam) albo raźviedzienyja — 64,3 %;
- sudzimyja — 55% (adnarazova — 20,8 %, dva razy i bolš — 34,2 %).
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary