Ci mohuć ułady pasprabavać fizična likvidavać lidaraŭ apazicyi ŭ emihracyi? Adkazvaje Šrajbman
Ci mohuć ułady praz ahientaŭ śpiecsłužbaŭ pasprabavać fizična likvidavać lidaraŭ apazicyi i aktyvistaŭ za miažoj? Na hetaje pytańnie adkazaŭ palityčny analityk Arciom Šrajbman u novym vypusku «Šrajbman adkaža».
Zabojstva palityčnych praciŭnikaŭ i dysidentaŭ — nie samaja redkaja praktyka ŭ historyi.
Da jaje źviartalisia i SSSR, i Paŭnočnaja Kareja, i navat sučasnaja Rasija, i kamunistyčnaja Bałharyja. Kali b biełaruskija śpiecsłužby vyrašyli pravieści takuju apieracyju za miažoj, heta nie było b čymści biesprecedentnym.
I pakolki ich kalehi ź inšych krain da hetaha času hadami znachodziać pryčyny pravodzić takija apieracyi, niahledziačy na ŭsie ryzyki, značyć jany znachodziać u hetym niejki intares.
Chtości ŭ śpiecsłužbach moža bačyć niejkuju pahrozu ŭ palitemihracyi — pahrozu, jakuju treba likvidavać dla biaśpieki režymu.
Chtości, moža, ličyć, što treba karać zdradnikaŭ radzimy i zdradnikaŭ sistemy ŭ nastaŭleńnie inšym — kab inšyja čynoŭniki, jakija padumvajuć ab pierachodzie ŭ apazicyju, heta značyć, z punktu hledžańnia ŭłady, ab zdradzie, mieli na ŭvazie, što pomsta ich moža nahnać navat za miažoj.
Narešcie, nielha skidvać z rachunkaŭ nizavuju inicyjatyvu. Dla jakoha-niebudź majora śpiecsłužbaŭ heta moža stać biletam da pahonaŭ pałkoŭnika. A dla hienierała — šancam vydzielicca pierad kiraŭnictvam krainy.
Zrazumieła, kali biełaruskija ŭłady ździejśniać apieracyju z zabojstvam apazicyjnaha lidara za miažoj, heta stanie padstavaj dla surjoznych sankcyj. Ale, jak my vyśvietlili pa historyi z Ryanair, heta nie stała strymlivajučym faktaram.
Kali pryniataje rašeńnie pravieści niejkuju siłavuju akcyju, to mižnarodnyja ryzyki nie zaŭsiody biarucca pad raźlik.
Jahor Lebiadok: Usio bolš zaŭvažnaja sproba adnavić vobraz Łukašenki jak žychara nieba, a nie radavoha čynoŭnika
EUobserver: U 2012 kiraŭnik KDB Biełarusi abmiarkoŭvaŭ likvidacyju palityčnych emihrantaŭ, u tym liku Šaramieta
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary