Ministr Piarcoŭ pasprabavaŭ patłumačyć, što značać słovy Łukašenki pra «płacić za suvierenitet», ale, padobna, zabłytaŭ jašče bolš
Ministr infarmacyi Uładzimir Piarcoŭ u efiry prahramy «Kłub redaktaraŭ» prakamientavaŭ adno z pytańniaŭ Alaksandra Łukašenki, zadadzienaje padčas Pasłańnia da naroda i Nacyjanalnaha schodu.
«Viartajučysia da pytańnia, ci hatovyja my zapłacić za suvierenitet: tut nie treba zvodzić da dziejasłova «płacić». Tut sutnaść u inšym. Kali na adnoj čašy šalaŭ usie tyja vyhady, da jakich my pryvykli (da haračaj vady, hazazabieśpiačeńnia, zamiežnych telefonaŭ, inšamarak — da čaho zaŭhodna), a na inšaj čašy šalaŭ niezaležnaść i suvierenitet našaj krainy, to-bok žyć u niezaležnaj krainie i być paŭnavartasnymi, paŭnapraŭnymi hramadzianami svajoj krainy, ci hatovy my ŭzvažyć? Ci hatovy my zrabić vysnovu, što dla nas źjaŭlajecca absalutnaj kaštoŭnaściu, a što źjaŭlajecca kaštoŭnaściu časovaj?» — spytaŭ Uładzimir Piarcoŭ.
Jon adznačyŭ, što biełarusy ciapier u histaryčnaj kropcy, kali treba ŭsio heta ŭdumliva pieraasensavać i ŭzvažyć. «I tady ŭvieś narod zrazumieje hety pasył i zrobić pravilny vybar», — zajaviŭ ministr.
«Ci hatovyja vy płacić?» Pra što kazaŭ Łukašenka ŭ pasłańni narodu — sabrali hałoŭnaje
Ekśpiert pra pasłańnie Łukašenki: «Jon napałochaŭ navat svaich prychilnikaŭ»
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie3
Kamientary