Makiej: Biełaruś hatovaja raźmiaścić u siabie jadziernuju zbroju
Biełaruś hatovaja raźmiaścić u siabie jadziernuju zbroju pry pahrozie z boku NATA. Pra heta zajaviŭ ministr zamiežnych spraŭ Uładzimir Makiej u intervju telekanału RT Arabic, paviedamlaje BIEŁTA.
Uładzimir Makiej źviarnuŭ uvahu, što NATA ščylna nabliziłasia da biełaruskich miežaŭ, pry hetym vajennaja aktyŭnaść aljansu i kolkaść vajennych vučeńniaŭ značna pavialičylisia.
«Toje, ab čym zajaviŭ Alaksandr Łukašenka, što my razhladajem mahčymaść raźmiaščeńnia na terytoryi Biełarusi jadziernaj zbroi, ‒ heta adzin z mahčymych adkazaŭ na mahčymyja budučyja dziejańni z boku Paŭnočnaatłantyčnaha aljansu na terytoryi Polščy», — skazaŭ Makiej.
Čynoŭnik taksama adznačyŭ, što kolkaść vajskoŭcaŭ ZŠA i NATA, jakija znachodziacca na terytoryi Ukrainy, uzrastaje. Jon skazaŭ, što toje, što adbyvajecca va Ukrainie, vykarystoŭvajecca kiraŭnictvam Paŭnočnaatłantyčnaha aljansu dla naroščvańnia mahčymaściaŭ u rehijonie.
Kamientary