Minfin abviaściŭ ab nievykanańni abaviazacielstvaŭ pa ablihacyjach bujnoha minskaha deviełapiera «Bajkał». Kampanija, jakaja raniej raźmiaščała na prodaž kaštoŭnyja papiery na 500 tysiač dalaraŭ, nie moža vykanać svaje abaviazacielstvy pierad pakupnikami. Jak paviedamlaje Minfin, siarod udzielnikaŭ hetaj kampanii značycca poŭny ciozka Dźmitryja Baskava, jaki ŭ vieraśni staŭ sienataram.
«Bajkał» zajmajecca zdačaj u najom ułasnaj i arandavanaj nieruchomaj majomaści. Siarod ich aktyvaŭ fihuravali halereja «Ełacia», handlovy centr «Most» (dola), vytvorčaja baza ŭ Kałodziščach. Kampanija była zarehistravanaja jašče ŭ 2002 hodzie.
Minfin paviedamiŭ 3 listapada ab nievykanańni abaviazacielstvaŭ pa daterminovym vykupie ablihacyj tavarystvam z dadatkovaj adkaznaściu «Bajkał». Razmova pra kaštoŭnyja papiery, jakija kampanija vypuścili ŭ śniežni 2019 hoda. Termin ich zvarotu płanavaŭsia da 2 śniežnia 2024 hoda. Na vierasień hetaha hoda byŭ zapłanavany čarhovy daterminovy vykup kaštoŭnych papier.
Kampanija vypuskała 10 tysiač ablihacyj, košt kožnaj — 50 dołaraŭ. Ahulny košt kaštoŭnych papier — 500 tysiač dołaraŭ. Pracentnaja staŭka pa ich składaje 7% hadavych. Hrošy płanavali nakiravać na inviestycyjnuju dziejnaść.
«Udzielnikami TDA «Bajkał»źjaŭlajucca Karasioŭ Uładzimir Alehavič i Baskaŭ Dźmitryj Jurjevič», — paviedamlaje Minfin. Heta poŭny ciozka sienatara Dźmitryja Baskava, u jaho takoje ž imia pa baćku. U adkrytych krynicach nie ŭdałosia znajści infarmacyju pra hety mahčymy deviełapierski aktyŭ eks-kiraŭnika Fiederacyi chakieja.
Pa dadzienych Adzinaha dziaržrehistra, u druhoj pałovie kastryčnika hetaha hoda ŭnosilisia źmieny va statutnyja dakumienty kampanii.
U pres-relizie minfina, apublikavanym u žniŭni, adzinym udzielnikam TDA «BAJKAŁ» značyŭsia Karasioŭ Uładzimir Alehavič.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary